Dúfur í Djéká - ein flogin heim

Afmæli Siggu

2006-12-01T15:58:00.000+01:00

Til hamingju með afmælið elsku Sigga Sig!

Stelpan bara orðin 23 ára!!! Meira hvað tíminn líður hratt, við bara orðnar krumpaðar rúsínur með falskar tennur bráðum! Ehehehehehehehe. Því miður er afmælisdúllan að byrja í prófum og hefur því engan tíma fyrir ærlegt tjútt... þó maður hefði nú helst verið til í einhverja helvítis vitleysu og skandala. Nei heheheheh, segi nú bara svona. Ekki eins og Sigga mín leggi það eitthvað í vana sinn. Ehehehehehehe, obbobbobb best að þegja bara núna...

Hér er Sigga á djamminu með Söru vinkonu sinni. Oooooooooo milangarsoadjamma!

Í nettri sveiflu með Steinunni vinkonu sinni. Snilldarmynd hehehehehe!

Þrettán

2006-11-30T00:54:00.000+01:00

Sigga:

Af hverju fara verkfræðingar aldrei í ljós?

....

Þeir taka bara sin og deila í cos og fá út tan.

2006-10-15T22:40:00.000+02:00

Til hamingju með afmælið, elsku Ragga!

I dag er det Raggas fødselsdag!
Hurra! Hurra! Hurra!
Hun sikkert sig en gave får
som hun har ønsket sig i år
og dejlig chokolade med kage til.

Færsla #93

2006-10-04T00:59:00.000+02:00

Sigga:

Mynd 1: Ragga með góðum vini

Viðtal við Ragnhildi Evu (hundamömmu)

Evaoglotta: Sæl, Ragnhildur. Hvað er að frétta?

Ragga: Bara fínt að frétta af mér.

Evaoglotta: Er einhver sérstakur í þínu lífi í dag?

Ragga: Nei. Nú er það bara ég og hundarnir.

Eva og lotta: Hverju svararðu þrálátum orðrómi um samband ykkar Arnar Árnasonar leikara?

Ragga (kímin á svip): Þetta ætlar að verða langlíf kjaftasaga. Við þekkjumst bara í gegnum hundana. Ekkert í gangi þar. Þannig er það nú bara. Við Örn erum bara ágætiskammeratar.

Evaoglotta: Hver er eftirlætissjónarpsþátturinn þinn?

Ragga: Einfalt svar: Dýravinir á Skjáeinum. Frábær þáttur. Frábært framtak!

Evaoglotta: Nú eiga foreldrar þínir tvo hunda. Eru dýr á núverandi heimili þínu í Hvarfahverfinu?

Ragga: Já, hundur og köttur.

Evaoglotta: Ein að lokum... Hvað gerðirðu í dag?

Ragga: Ég fór á kattasýninguna í Garðheimum. Ógeðslega gaman. Sá stærsta kött sem ég hef séð.

Evaoglotta óska Röggu hundamömmu alls hins besta í framtíðinni.

Sætir saman

2006-10-03T14:42:00.000+02:00

Dúfur í Djéká

Færsla #91

2006-10-02T19:40:00.000+02:00

Ragga:

Sigga var í handæði sínu að fikta óboðin í pennaveski mínu. Ekki tókst litlu konu betur til en svo að hún skemmdi græna pennann minn með miklum látum. Á dauða mínum átti ég frekar von en að SS liti á mig með ásökunarblik í augum og segði: "Hvað er þessi penni að gera hér? Hann er slysagildra!"

Færsla #90

2006-07-31T15:58:00.000+02:00

Okkar yndislega Nanna panna á afmæli í dag!

TIL HAMINGJU MEÐ DAGINN ELSKU NANNA!

Færsla #89

2006-07-27T13:15:00.000+02:00

Sigga:

Tilhlökkunin er í algleymingi! Ég á erfitt með að einbeita mér að raflagnateikningunum. Æðar líkamans tútna út og hjartað slær líkt og ég hafi nýlokið við Tjarnarhlaup. Samtöl mín við vinnufélagana eru ruglingsleg og samhengislaus. Hugur minn dvelur annars staðar – á Grundarfirði en þangað er för minni heitið á laugardaginn. Þar verður ugglaust nóg um að vera og margt um manninn. Mér er samt nákvæmlega sama um allt fólkið sem verður þar – nema djammarann! Skyldi ég hitta uppáhaldsdjammkonuna mína aftur? Hver fruma líkama míns æpir af tilhlökkun og eftirvæntingu. Í hvaða fötum á ég að vera? Ætli hún verði skúffuð þegar ég segi henni að ég sé flutt úr hundraðogfjórum?

Annars er það helst í fréttum (að undanskilinni fyrirhugaðri Grundarfjarðarför) að ég hef flutt búferlum (líkt og fram kom hér fyrir ofan) úr hverfi hundrað og fjögur í hverfi hundrað og fimm. Þar hef ég komið mér vel fyrir ásamt rauðhærða stráknum. Við eigum (fengum lánaða) hrærivél og vöfflujárn. Þetta er ósköp heimilislegt og er íbúðin ávallt opin (skemmtilegum) gestum. Hver veit nema það verði innflutningspartý helgina eftir verslunarmannahelgi – fer samt auðvitað algjörlega eftir því hverjir sýna því áhuga að mæta.

Færsla #88

2006-07-21T15:26:00.000+02:00

Ragga:

Hér á Hrafnistu eru allir í djammfíling eftir harmonikuspil og söng. Þetta er vikulegur viðburður og er algjör snilld. Í dag voru spilaðir slagarar eins og Komdu inn í kofann minn, Ég bið að heilsa og Kátir voru karlar. Sigrún gamla á C-inu bað um óskalag: Stína og brúðan [Á kaupmanninn rétt við búðarborðið...] en langbestu undirtektirnar voru þó þegar bandið tók Det var brændevin i flasken. Good times!

Ragga says:
ég er að borða rúsínur
Sigga says:
nartígamlartær?

SIGGA!!

Færsla #87

2006-07-05T02:20:00.000+02:00

Ragga:

Hróarskelda var gúddsjitt þó Dylan hafi verið vonbrigði! Nenni ekki að skrifa um hana en ætla aftur á næsta ári. Ójá!

Oliver í ógeðisrigningu á fyrsta degi. Hann er engin tjaldtýpa og suðaði stanslaust í mér og Katy að þrífa okkur. Spurning um prinsipp.

Katy var að fíla skítinn. Nema hvað.

Hún borðar beikon.
Birkir vildi bara beikon.

Jóhanna beikon og Ágústa. Þær eru sætar.

Inga og Tóbías. Það er erfitt að ná í þær í síma.

Sif og vinir úr lýðháskólanum.

Sif með mömmu sinni og pabba og litlu frænku.

Sif með hösslunum sínum.

Frá hvaða landi haldiði að þessi rass sé?

Ég er komin heim á klakann. Nærri 30° hiti í déká þannig að það var líkt og að fá blauta tusku í smettið að hoppa út úr vélinni. Hressandi.

Týndi símkortinu mínu (surprise surprise) en það stendur til bóta þannig að ég verð vonandi komin með gemsa bráðum...

Wo jiad Eva

2006-06-24T17:36:00.000+02:00

Ragga:

Loksins komin í langþráð frí þar sem kúrsinn minn kláraðist í gær. Mikill léttir og næst á dagskrá er Hróarskelda og svo bara heimferð. Sjúff!

Ég og Kristian á gamla kökkeninu mínu stóðum við stóru orðin og héldum Kínverjamatarboð í gær. Kvöldið eins og vænta mátti stútfullt af vandræðalegum þögnum og kurteisishjali. Mættir voru Ming, Djeng, Filipp, Sha, Peter, Hildur og Gúndi. Jin stuðbolti lét svo sjá sig eftir matinn.

Ming og Jin hrezzz!

Kristian og Ming. Hún er ferlega skemmtileg og kom með okkur á barinn.

Kristian, Filipp og Djeng. Þau til hægri eru hjón og hann býr í Californiu.

Hildur og Gúndi. Þau fóru snemma því "þau þurftu að pota í köku." Dónar!

Peter var duglegur að skapa pínleg móment við matarborðið.

Allt að gerast bara....

You´re the one for me, fatty

2006-06-01T20:49:00.000+02:00

Ragga:

Í Danmörku eru mjög fáir svertingjar. Einn er þó á ganginum mínum og í gær fór hann mikinn um ástina. Hann tjáði okkur að hann vildi bara feitar stelpur. Eða kræftige eins og hann orðaði það. Hann er svona 1.70 á hæð og mjög mjór og sagði okkur frá því að síðasta kærasta hans hefði verið 1.85 og 130 kg. Ég fór að flissa.

Þegar ég fór í safaríferðina til Suður-Afríku var einmitt ein í hópnum kræftig og hún talaði hún um að hún nyti rosalegrar athygli karlmanna. Þeir væru bara miklu meira fyrir hold en í hinum vestræna heimi.

Af þessum sökum langaði mig rosalega að spyrja svörtu dúlluna hvort hann væri frá Afríku en þorði það ekki. Hann hefði getað misskilið og haldið að ég væri rasisti.

Annars var ég í síðasta prófinu í dag. Ég kann svo vel við yfirsetuliðið, tala svo skýra dönsku og eru öll með tölu með hvítt hár.

Færsla #84

2006-05-28T20:03:00.000+02:00

Ragga:

Fyrir tveimur árum snappaði Kínverji sem bjó hér á campusnum og öskrandi hljóp hann allsber í kringum Kampsaxkollegiet. Það var hringt á lögguna þegar hann hóf að kasta steinum i rúður. Aumingja greyinu var skutlað inn á næsta geðveikraspítala og hefur ekki sést siðan. Í ljósi þessa hef ég töluverðar áhyggjur af Ylfu vinkonu minni...

Færsla #83

2006-05-27T01:19:00.000+02:00

Ragga:

Í framhaldi af væli mínu um e-mail (í alvöru talað, mér leiðist mjög, mjög mikið) hef ég ákveðið að búa til lista þar sem fólk getur séð hvar það stendur gagnvart mér. Verið ófeimin við að kommenta (eða SENDA MÉR MEIL) ef ykkur finnst þið vera skilin út undan.

Sannir vinir:

Rakel. Mjög dugleg og virk. Jafnvel of virk. Þannig hef ég í dag fengið fjögur bréf frá henni og þrjú í gær. Geri aðrir betur.
Halla. Hún sendi rosalegt pep up bréf fyrir skemmstu en þarf þó að vera á tánum til að halda stöðu sinni á listanum.
Þóra. Mjög snögg að svara bréfunum mínum enda kjarnorkukona á ferð. Frá henni fæ ég slúður úr verkfræðinni beint í æð. Skyldi ég fá bréf um ævintýri helgarinnar á mánudaginn?

Svarti listinn:

Lilja Þórunn, a.k.a. Júdas. Það er ekki tilviljun að þessi er efst á lista. Síðasta bréf frá henni er síðan í janúar sem er auðvitað arfaslakt. Eins og þetta sé ekki nóg þá hefur hún fyrir löngu kommentað hér á síðuna og tilkynnt að bréf sé á leiðinni. Lilja, hvar er samviskan? Hvar er hjartað?
Báðar systralufsurnar, en þó sérstaklega Linda. Dísa djammari hefur forskot þar sem hún kom með skyr til mín fyrir skemmstu. Reyndar er Linda ólétt og því gæti offlæði hormóna verið skýring á bréfaleysinu. Takið ykkur á, systur!
Lilja Hrönn. Mig er farið að þyrsta mjög í fréttir frá London. Þau topic sem eru efst á óskalista mínum eru datemenning og bólfimi Breta. Annars er ég opin fyrir öllu.
Elín Birna. Flestir þekkja hana sem Línu sem gefur tilefni til rosalega fyndins brandara: Lína, sendu mér línu. Langt líður milli bréfa frá Línunni og er hún auk þess stundum með stæla í bréfum sínum. Elín Bé, slakaðu á attitjúdinu!
Óli Freyr. Hefur aðeins einu sinni sent mér bréf. Það var reyndar ekki af verri endanum þar sem það innihélt mynd af Hauki frænku í góðum félagsskap. Ólafur, nú langar mig í fleiri djúsí djammmyndir!
Óskar Örn. Sendi mér leynilegt ástarbréf fyrir jól en hefur svo látið staðar numið. Skari, hvað kom upp á?
Brynjar Þór. Hann hefur aldrei sent mér bréf. Binni, ég veit hvar þú átt heima!
Lára og Gummi. Hvað er að frétta af parinu? Enn þá saman?

Svo eru það hinir sem tilheyra hvorugum listanum:

Inga. Dansar á línunni en fær plús fyrir að hringja í mig í dag. Hún er einnig búin að lofa mér löngu og innihaldsríku bréfi innan skamms og fer skilyrðislaust á svarta listann ef hún stendur ekki við það. Inga, mundu bara að ég er með Keldumiðann þinn!
Nanna. Hún á beibí og býr þar að auki hér í déká. Þó mér finnist óskaplega gaman að fá e-mail frá henni er eðlilegra að viðhalda stöðugu símasambandi. Nanna, call me!
Bryndís. Hefur aldrei sent mér meil en fer þó ekki á svarta listann (strax) þar sem ég er litlu skárri. Dísa, einhvern tímann er allt fyrst og gæti hugsanlegt topic verið humarsúpan sem þú varst búin að lofa mér.
Sigga og Siggi. Þessir tveir stuðboltar eru í LA. Þau hafa ekki sent mér meil nýlega en ástæðan fyrir því gæti verið tölvuleysi. Þau fá prik fyrir sms-sendingu í morgun og get ég nú upplýst fréttaþyrsta lesendur um að í gær þeystist Sigríður um á mótorfák (tilvísun í uppáhaldslagið mitt) á Malibu ströndinni og fékk sér svo tattú. Síðar um kvöldið fóru S&S svo á tónleika með Eels. Ég verð að játa að dagurinn minn fölnaði eilítið í samanburði við þeirra.

Ég vil taka fram að sviptingar á listanum eru örar sem ætti að vera hvatning um bót og betrun. Koma svo allir!

Færsla #82

2006-05-26T07:39:00.000+02:00

Ragga Matt:

Síðan í febrúar hef ég framleigt af honum Peter. Þegar ég fór fyrst að skoða herbergið hans fékk ég hálfgert sjokk þar sem allt var svo rosalega tipp topp. Til að mynda var möppunum í hillunum raðað symmetrískt, þ.e.a.s. tvær saman hægra megin í efstu hillunni, þá tvær saman vinstra megin í næstu hillu og svo koll af kolli. Verandi subba truflaði þetta mig töluvert, þó það hafi ekki verið neitt í líkingu við þessa tvo hluti:

Þessi mynd er mjög stór, alveg rúmur metri á lengd og blasti við þegar maður kom inn í herbergið. Peter er lengst til hægri en ég er auðvitað hrifnust af þeim í miðjunni. Hárið er bara svo mikilvægt.

Þetta skrípi var svo staðsett fyrir neðan myndina góðu og kemst án efa í flokkinn: Ljótustu hlutir sem ég hef séð. Ég vona að Peter hafi fengið þetta í verðlaun fyrir píanóspil þar sem enginn maður með viti (og þaðan af síður með smekk) myndi kaupa sér svona.

Peter var ekki að hafa fyrir því að tæma herbergið sitt áður en ég flutti inn og naut ég góðs af fyrrnefndum hlutum ásamt t.a.m. sloppnum hans og sólgleraugnasafni. Þegar Rakel og Hildur komu í heimsókn var brugðið á leik:

Stelpurnar með sýnishorn af stóru safni sólgleraugna. Gellur, ó já!

Rakel með enn önnur sólgleraugu og skrípið. Ég málaði yfir smettið því Rakel er ljót á þessari mynd. Skyggði næstum á blómið. Nei djók, hún var með lakkrís í tönnunum.

Eins og flestum ætti að vera kunnugt um er ég í prófum (JÁ, ENN ÞÁ!) og finnst mér ég alls ekki fá nægilega mörg samúðarbréf. Þetta er skot til ykkar allra. Netfang mitt er reg1@hi.is. Takk fyrir.

Færsla #81

2006-05-24T02:30:00.000+02:00

Ragga:

Ég er með þessa laglínu á heilanum:

Af hverju var ég fullur á virkum degi? Af hverju mætti ég ekki í tíma?

Ég er svona fersk núna

Eða nei. Svona fersk:

Gaaaaman að læra!

Var samþykkt á BEST námskeiðið: B5: boats between beer, bears and beach. Mjög spennandi og verður haldið í Ekateringburg. EKATERINGBURG?? Minnir dáldið á Ulm og Bochum... ha Bjöggi?

Sá e-mailið rétt eftir að ég breytti fluginu mínu heim á skerið. Þannig ég kemst ekki.

Dæs

Ísar Tobias

2006-05-21T19:16:00.000+02:00

Sykursnúður

Rúsína

Færsla #79

2006-05-18T17:23:00.000+02:00

Ragga:

Það skyldi þó aldrei vera að það hafi verið örlög að ég guggnaði á að breyta flugmiðanum á skrifstofu Icelandair í morgun.

Var að fá þetta sent í tölvupósti:

Hi there!

You have been placed on the waiting list for the BEST Leisure Event "Belgium By Bike: A Beer too Far". Our cycling event starts on Monday 3th of July in Ghent and ends on Tuesday 11th of July in Ghent, Belgium.

.....

To conclude I'd like to say: don't dispare! There is actually a real chance for you to get extra-accepted :-)

Ætti ég að doka við að breyta miðanum og sjá hvort ég fái inn? Þetta er auðvitað frábært tækifæri fyrir hjóla wannabe eins og mig. Svo ég tali nú ekki um þegar umrædd er með of stóran rass.

Nýtt líf!

2006-05-15T10:51:00.000+02:00

Schnappy kom í heiminn í gær. Húrra húrra húrrrrrraaaaa!

Færsla #77

2006-05-12T02:10:00.000+02:00

Ragga:

Hér bý ég:Nördalegt?

Fékk sms áðan:

"Hi. You would throw a party at the end of July or what? I just need a confirmation for further planning of my holiday. Regards, Jin."

Mikið er þetta spennandi strákur... og líf mitt ef út í það er farið!

Ég er dugleg að taka myndir á nýju vélina:

Jógúrtskýrslan og Ylfa.

Boðin í mat í Húsið í gær - Alessandro og Aga íbúar Húss.

Það er voða fallegt í Lyngby. Ég, Chiara og Aga við vatnið.

Ég elska þessa mynd. Oliver pervert.

Þau til hægri eru par. Mig langar á bát eins og er fyrir aftan.

Bleikur himinn út um gluggann minn. Það þýðir sko að það verði gott veður næsta dag.

Jákvæð!

2006-05-10T13:33:00.000+02:00

Sigga:

Ég þori ekki að hrista hausinn. Öll varmafræðin sem ég lærði í gær gæti dottið út.

Færsla #75

2006-05-02T21:25:00.000+02:00

Ragga:

Var að horfa á Bonde søger brud en það er þáttur um bændur sem eru að leita sér að kærustu. (Mjög töff að horfa á það á laugardagskvöldi.) Einn þeirra var hann Knud sem er einstaklega spennandi kall: Hann er með græna fingur, safnar lego og stundar kellingarleikfimi. Svo var sýnt legosafnið hans sem fyllti eitt herbergi og hann sagði voða ánægður að hann eyddi tveimur til þremur tímum á dag í legodundur. Pæling að smella sér á www.kanal4.dk og senda línu á kappann.

Hann er á lausu

Sommerfest í gær til að fagna síðasta skóladegi. Ég og Ylfa létum okkur ekki vanta og rúlluðum á staðinn í innkaupakerru. Mjög hress stemmning og ég bauð útvöldum bargestum í Kínverjapartý. Jin, Ming og Qian ætla öll að koma jafnvel þó að Jin sé ekki Kínverji heldur frá Suður-Kóreu. Kristian, nýi besti vinur minn, er líka boðinn þó hann sé bara danskur. Hann ætlar líka að elda. Eins og þetta sé ekki nóg þá ætlum við Kristian og Lars til Kína eftir tvö ár.

Sumarið komið og Danir voða krúttlegir, alltaf í boltaleikjum. Ég hitti Masood minn gamla vin í vikunni en hann er núna farinn til Pakistan eftir þriggja ára fjarveru frá unnustunni. Núna stendur s.s. yfir leit að félaga sem talar eins og Abú í Simpons og er með Indverjagreiðslu. Giftingin hans er í byrjun júní og hann lofaði að senda mér myndir frá herlegheitunum.

Hönk með indverjagreiðslu

Sá hinn færeyska Teit spila á Kristianshavn í vikunni. Hann spilaði úti og Þorgils og Ylfa dönsuðu af sér rassinn. Ég var í stöðugu augnsambandi við kauða og fékk svo diskinn áritaðan: Ástin mín. Er ég sjalló? Spísuðum svo ítalskt (sko ég, Ylfa og Þorgils, ekki ég og Teitur) þar sem þjónninn var hrifinn af Ylfu. (Já, ég er afbrýðissöm.)

Krútt

Ég er alltaf á leiðinni að kaupa mér miða á Roskilde festval. Inga, góða konan með krullurnar, er líka á leiðinni og hlakka ég til að hitta lufsuna. Fleiri að fara?

Skemmtilegar myndir úr jógúrtbransanum:

Á leiðinni á Øllingegaard mjólkurbúið. Það er rosalega stutt síðan veðrið var svona vont.

Strumparass í Arla verksmiðjunni

Færsla #74

2006-04-17T15:06:00.000+02:00

Ragga:

Gleðilega páska lömbin mín!

Var boðin í frábæran páskamat í gær, mmm! Þúsund þakkir til Steins og Ástu Maríu fyrir íslenska lærið og páskaeggið. Ég fékk málsháttinn: "Enginn getur þjónað tveimur herrum (í senn)." Á það að segja manni eitthvað? Svo bjó Elín til lestarslys í eftirrétt þannig að ég verð södd út vikuna.

Prinsessan með Dollý hans Bjögga

Segi ekki meir..

Steinunn, Steinarr og Auðun gista hjá mér þessa dagana og það er voða ljúft að hafa þau. Held að Steinunni finnist líka gott að hafa einhvern til að spúna sig.

Árshátíðin á næsta leyti og hún er að sögn Bjögga fancy smancy. Allir í smóking og með snittubrauð í rassgatinu á sér. Jess...

Veit einhver hver maðurinn á myndinni er? Ætti að vera nokkuð augljóst.

Færsla #73

2006-04-14T18:04:00.000+02:00

Ragga:

Það var æðislega gaman að dúllast með mömmu og pabba í Nefjork og tókum við ágætan túristapakka. Fórum þrisvar í svona:

Fórum upp í Rockefeller Center og þar var fínt útsýni:

Sáum Kim Cattrall (Samantha í Sex and the City) og fleiri góða í Mamma Mia:

Sáum frelsisstyttuna:

Burummbumm tsssss!

Mamma átti stórleik þegar hún gaf manni á lobbíinu krem fyrir svertingja sem hafði óvart læðst ofan í pokann minn. “Æ kent jús ðiss, itt iss for kolored men.” Hann horfði á hana frekar hissa, opnaði það en hélt því miður öfugt á því þannig að kremið lak ofan á skjölin hans. Hann leit aftur á hana og henti svo kreminu í ruslið. Held ég hafi sjaldan hlegið jafnmikið á einum degi.

Yndislega gaman í NY en ég nenni ekki að segja meira frá því...

Stoppaði líka á skerinu í þrjár nætur. Náði ekki að hitta næstum alla en ætla að henda í punktafærslu einhverju af því sem ég afrekaði:

Fór í klippingu og perm
Hlussaðist í barnaafmæli – gullmolar eins og “nú tökum við á þessu saman í Central Park” eftir olnbogaskot í síðuna og “er pilsið of lítið á þig?” flugu um loftið
Hitti Höllu lasarus og flatlús (nei djók, fatlus... vá, þessi var meira að segja stolinn)

Sötraði Bailey´s með Ingu og Rakel þar sem við töluðum um körfubolta og flotta bíla
Kíkti á konuna sem er ákaflega stolt af því að vera á topp 10 á vísindamannalistanum

Hér er hún að slamma ásamt einhverjum drykkjuboltanum

Spilaði kasínu við ömmu sem var hæstánægð með Pimmelnase kortið sem ég sendi henni

Keypti þetta í Hamburg og ældi næstum af hlátri. Einföld?

Knúsaði Tuma litla

Hitti systurnar yfir hvítvíni þar sem Þórdís var í stuði með Hemma Gunn. “Ertu lessa? ... Hvaaaaað? Ég er bara open minded!”
Vann í meistarastykkinu mínu um Edison

Vá hvað ég var lengi með þessa færslu. RÖGLIÐ SEM MAR LENDIR Í MAÐUR!!!

Svo átti Lilja Hrönn eina tönn afmæli í gær. Til lykke sæta mín!

Færsla #72

2006-04-14T15:58:00.000+02:00

Sigga:

Símanúmerið heima hjá mér: 5534059
Símanúmer Sundhallarinnar: 5514059

Að gefnu tilefni:

Gleðilega páska!

Færsla #71

2006-03-30T20:31:00.000+02:00

Sigga:

Lokastaðan á vísindamannalistanum er komin. Ég óska Þuru, Söru, Óla og Lárusi til lukku með glæsilegan árangur. Sjálf hafnaði ég í níunda sæti:

Mynd 1: Topp tíu vísindamenn Vélarinnar

Ef ég hefði ekki skellt mér til Boston og kjölfarið ekki misst af ferðinni í Alcan hefði ég sennilega lent í 3. sæti. Frekar svekkjandi. En það var reyndar ægilega gaman í Boston og dáldið spennó að hitta rauðhærða strákinn sem hefur ekkert breyst síðan síðast:

Mynd 2: Egill sposkur á svip með kokteil í annarri og eeh höku í hinni.

Við gistum á YWCA í hjarta Bostonborgar ásamt skrítnum konum og köttum. Fórum á Museum of Fine Arts, skoðuðum MIT og sáum The Blue Man Show að ógleymdum stundum í Urban Outfitters sem voru ansi margar.

Annars las ég í Birtu í gær að skórnir mínir séu við stofuhita, þ.e. að það sé ekkert sérstaklega töff lengur að ganga í svörtum venjulegum Converse skóm. Mér brá talsvert við lesturinn! Mér til varnaðar keypti ég mér hauskúpuskó í Boston. Ha! Birta! Hafðu það!

Hmm... hvað get ég bloggað um framvegis nú þegar vísindamannakeppninni er lokið?

Færsla #70

2006-03-27T23:02:00.000+02:00

Ragga:

Fór í skólann í gærkvöldi að gera heimadæmi. Var alein og hryllilega myrkfælin á heimleiðinni. Mætti manni á ljóslausu hjóli sem hélt uppi A1 plakati með voða tilburðum. Það var massaþoka sem gerði það að verkum að ég sá hann ekki fyrr en hann var kominn rosa nálægt mér.

Vegna plakatsins var eins og hann væri í skikkju sem flaksaðist og ég varð skíthrædd, öskraði næstum upp yfir mig. Hjólaði svo eins hratt og ég gat heim og var alltaf að hugsa um Djáknann á Myrká.

Garún Garún - skerí sjitt.

Fór svo að hugsa um þetta aftur í dag og þá minnti þetta mig bara á Skattmann í skaupinu fyrir nokkrum árum. Óli grís hlaupandi um: "Kýla, berja, slá og farðu svo frá!" og hrifsaði veski af gamalli konu og kýldi hana með því í magann. Gúddsjitt!

Töffarar!

Færsla #69

2006-03-19T22:56:00.000+01:00

Ragga:

Jørgen bauð mér upp á kaffi í dag:

Æðislega sjarmerandi og EKKI MEÐ GIFTINGARHRING!

Ég fór í messu í morgun með Steinunni og Ylfu. Ferlega gaman og Jørgen prestur talaði bara um ástina. Konan fyrir aftan mig hágrét á meðan Jørgen talaði. Það gerðum við Steinunn líka þegar við föttuðum að við höfðum sest öfugt í sætin (svona eins og þegar maður snýr öfugt í strætó). Flandrið á Jørgen var þokkalega til trafala því hann skipti um stað í miðri messu þannig að allir sneru sér við. Enginn var samt svo sniðugur að setjast öfugt eftir kærligheds ræðuna.

Hér er Steinunn fyrir utan kirkjuna. Hún er voða falleg.

Sif og Jara voru í Kaupmannahöfn og gistu þær hjá mér í tvær nætur. Segir sitt um þægindi rúmsins míns þegar Jara pantaði að sofa á vindsænginni.

Stelpurnar í vonda rúminu mínu.

Voða notalegt að hafa þær og fékk ég svo að koma í eðaldanskt partý á Nytorv. Sif: "Varstu að klippe din top? ... Mads, du splæser!"

Hún er dugleg að tala dönsku.

Færsla #68

2006-03-14T12:19:00.000+01:00

Sigga:

Tveir tímar í brottför til Keflavíkur, hvorfra jeg flyver til Boston kl. 17. Mér þykir rétt að birta stöðuna á vísindamannalistanum á þessari stundu þar sem aldeilis hefur orðið breyting á síðan síðast.

Mynd 1: Sýnir 1.-8. sæti vísindamannalista Vélarinnar.

Líkt og sjá má hefur undirrituð flogið upp listann og er hástökkvari vikunnar, komin í 6. sæti. Hinar pjásurnar tvær eru heldur neðar á listanum, Þóra Þorgils í 19. sæti og Elín Birna í því 50. Þá er að finna í átta efstu sætunum ansi efnilega djammara og virkilega gott fólk. Ólafur og Lárus koma virkilega sterkir inn í félagslífið á misserinu og eiga hrós skilið fyrir frábæra frammistöðu.

Því er ekki neita að sjötta sæti listans hefur haft töluverð áhrif á mig. Ég verð vör við aukna virðingu og viðurkenningu samnemenda og því verður líklega erfitt að koma heim frá Ameríku þar sem ég missi af ferðinni til Alcoa og því sýnt að ég muni hríðfalla niður listann.

En ég lít á björtu hliðarnar og hlakka til að sjá þessa gaura í vikunni (vonandi):

Mynd 2: Var óvart birt en hún sýnir Tobias Fünke og Micheal Bluth.

Nei, úps... meina þessa gaura:

Mynd 3: Sýnir The Blue Man Group

Færsla #67

2006-03-13T10:20:00.000+01:00

Til lukku með daginn, Æja Tóla!

Færsla #66

2006-03-12T19:15:00.000+01:00

Ragga:

Hehe, steik!

Færsla #65

2006-03-10T17:01:00.000+01:00

Nanna:

Skemmtileg nótt!

Kris kallinn var staðráðinn í því að skemmta sér ærlega í gær og skellti sér með skólafélögunum á djammið. Stuðboltinn ég ákvað að taka nördinn á þetta og hékk í tölvunni eftir að ég hafði skutlað honum og Henrik gråmus í bæinn um ellefuleytið. Eftir nokkuð slitróttan svefn var ég svo vakin með símtali þegar klukkan sló fimm og beðin um að sækja. Ekki málið! Hendist á fætur og næ í drukknu lufsuna hjá bankanum. Jafnvægið var eitthvað að stríða kappanum þegar heim var komið; ég skemmti mér alveg konunglega við að horfa á greyið í feluleik í fatahenginu, dansandi á tómum plastflöskum í leiðinni. Priceless! Eftir að Kris hafði tæmt magann með miklum látum (ég flissaði hátt á meðan, var það rangt af mér?) förum við í rúmið ca. 06 , hann til að sofa, ég til að bylta mér. Vekjaraklukkan hringir svo hálfátta en Kris greyið var ekki alveg að gera sér grein fyrir hvaðan óhljóðin komu. Hann þreif því kremtúpu af náttborðinu og byrjar einbeittur að skrúfa lokið af með gríðarhraða. "Hvað ertu að gera???", spyr ég en til þess eins að fá túpuna beint í fésið. Því næst grípur hann klósettrúllu og flettir nokkrum bréfum á methraða. Ég greip rúlluna og setti hana á sinn stað. "Þetta er vekjaraklukkan snillingur." Slekk á henni og næ loksins að sofna. Stuð! Svo er ég dugleg að rifja upp atburði næturinnar, sérstaklega þegar mamma hans er nálægt, það finnst mér ofsa fyndið.

Hér í Horsens er ekki mikið um leikfimi fyrir bumbulínur eins og mig. Í líkamsræktarstöðinni þar sem við eigum kort er þó að finna einn tíma vikulega og líst mér ágætlega á. Hér á myndinni er hún Lone, eldhress skvísa í hópnum. Takiði eftir gallanum! Ég á alveg eftir að redda mér einum slíkum.

Annars er ekki mikið um að vera hjá mér þessa dagana. Mun henda inn fréttum þegar ég byrja loksins í dönskuskólanum. Og já, kannski eins og einni óléttumynd þegar ég tek slíka. Þar til síðar!

Færsla #64

2006-03-07T22:48:00.000+01:00

Sigga:

Besta plata ársins 2006 var að koma út...

Heimsendi 18 er góð plata en Hvar í hvergilandi toppar hana og gott betur - öll lög plötunnar eru mín uppáhalds og ég elska líka smellna textana. Allir ættu að kaupa sér eintak.

...

Árshátíð verkfræðinema var haldin á hótel Örk á föstudaginn og var hún hin besta skemmtun. Þar voru gömul kynni endurnýjuð og ný tengsl mynduð. Dásamleg skemmtiatriði, frábærir kynnar og yndislegur matur. Var í félagsskap með alvöru djömmurum þar sem þreyta var sannarlega álitin hugarástand. Mitt móment var klárlega kl. 8:43 þar sem ég sat alein í morgunverðarsalnum og maulaði hrökkbrauð. Er hálftóm innan í mér nú þegar svona góðu djammi er lokið. Hugga mig við Amríkuferð í næstu viku.

Yfir og út.

Færsla #63

2006-03-05T01:32:00.000+01:00

Ragga:

Steinunn: “Mig langar heim í sumar og borða lambakjöt.”

Ylfa: “Jaaaá! Væna flís af feitum sauð!”

Dollý dúlla.

Steinunn átti afmæli á fimmtudaginn og við brugðum undir okkur betri fætinum, spísuðum á Mama Rosa (staðurinn hennar Siggu, hjarta mitt kremst af söknuði) og héldum svo á Kampsaxbarinn.

Steinunn: “Skál fyrir afmælisbarninu!”

Aðeins seinna: “Mér finnst vera kominn tími til að skála fyrir afmælisbarninu.”

Hún drekkur alla undir borð.

Talandi samt um Sigríði krúsídúllu. Var að rifja upp samtal sem við áttum rétt fyrir jólaprófin:

Undirrituð: “Mig dreymdi að ég þurfti að synda í kúk, algjör veeeðbjóður. Þvílík kúkafýla og ég fann meira að segja kúkabragð. Eins gott að þetta boði gott!”

Sigga: “Neeei, ég hugsa að þetta boði ógæfu. Þú átt ábyggilega eftir að skíta á þig í prófinu...

Þögn.

Sigga lufsa bætir við: “Báðum prófunum, fyrst þetta var svona mikill skítur.”

Kúkurinn sem mig dreymdi.

Vorum boðin í ótrúlega jammí mexó til Bjögga og Elínar áðan. Afar hressandi og þá sérstaklega þegar Bjöggi dró fram munnhörpuna.

Bjöggi er alltaf í ljósum, algjör tjokkó.

Valhoppuðum svo í Jónshús, nota bene jómfrúarferð mín og Ilmar. Hún verður líklega seint toppuð (þó svo að AA-fundirnir séu víst mjög skemmtilegir) þar sem Spaðarnir stigu á stokk og héldu uppi rífandi stemmningu.

Verð að gefnu tilefni að vitna í Rakel en hún er rosalega fyndin stelpa:

“Hjörtun eru á Nasa, Laufin fyrir norðan, er ekki alveg sjor hvar Tíglarnir eru..”

Góður þessi Rakel, góóóóður!

Brilljant skemmtun en mér fannst þetta fyndnast:

Guðmundur Andri söngvari: “Nú erum við búin að taka sorglega lagið, ítalska lagið, ...

Gaukur úr sal: “Hvenær kemur lokalagið?”

Færsla #62

2006-02-28T13:30:00.000+01:00

Ragga:

Komin heim frá Hamburg og var óskaplega gaman. Lestarferðin var yndisleg og hápunktur hennar var að sjálfsögðu að fara um borð í ferju.

Hótelið okkar var á besta stað, alveg við Hauptbahnhof, beint fyrir ofan Scandinavian Pub og á móti Viking Pub. Gullna þrennan.

Hér er Ylfa fyrir framan hótelið okkar, Kieler Hof. Þar var gaman að vera. Ruslakallarnir voru í verkfalli þannig að það var allt út í bleikum ruslapokum.

Hamborg er samt voða fín borg þó allt hafi verið í drasli.

Ylfa og ráðhúsið:

Við skruppum til Altona sem er gamall danskur bær. Þar fundum við HM og settumst svo inn á kokteilbar. Ég var sniðug og sagði Oliver að hann væri ekki inn á mynd. Fullt hús fyrir góðan húmor.

Maturinn í Þýskalandi er mjög girnilegur:

Rassarnir eru jafnvel enn girnilegri:

Færsla #61

2006-02-24T15:44:00.000+01:00

Sigga:

Hver man ekki eftir finnska sjarmörnum úr Eurovision þættinum með norrænu spekingunum? Líklega enginn... og eitt er víst að ég mun aldrei gleyma honum enda vorum við systa að djamma með honum á laugardaginn um þarsíðustu helgi. Jah, ég neita því ekki að Alma sys náði aðeins betri tengingu við hann, sérstaklega eftir að ég lýsti því yfir að ég fílaði eiginlega ekki Eurovision þegar hann spurði um uppáhaldssigurlagið mitt í keppninni frá upphafi. En hann er hins vegar afskaplega indæll og staupaði með okkur brennivín með bestu lyst.

Mynd1: F.v. Alma Sigurðardóttir og Tomas Júróvisjónfinni í eftirpartýi á
Kaffi Reykjavík eftir íslensku undankeppni Júróvisjón.

Djöfull er dagbókarbloggfærslur oft leiðinlegar. Oj, hver nennir að lesa heilu ritgerðirnar um dag í lífi e-s annars, kommon!

Mín framsetning er mun frambærilegri:

Mynd 2: Gantt rit f. dagskrá 23. febrúar 2006 hjá Sigríði Sigurðardóttur

Engin vísó í dag - einhver tómleiki sem fylgir því en svo sem ágætt að taka pásu fyrir árshátíðina sem verður næstu helgi. Ha! Sagði einhver að DJ Party sjái um mjúsikina? ÉG MÆTI!

Færsla #60

2006-02-22T12:53:00.000+01:00

Ragga:

Þríeykið úr tvinnfallagreiningu er á leið til Djörmaní á morgun. Oliver getur reyndar ekki mikið verið með okkur en ætlar í sárabætur að kynna mér og Ylfu fyrir vini sínum, honum Archibald, sem er víst algjör stuðpinni. Við erum þokkalega í góðum málum ef persónutöfrar og lúkk haldast í hendur!

Sætilíus.

Færsla #59

2006-02-16T19:06:00.000+01:00

Ragga:

Jæja Lárus Márus..

Ég og Ylfa erum byrjaðar að læra arabísku. Hélt það væri sniðug leið til að bonda við Masood þar sem ég hitti hann sárasjaldan eftir að ég flutti. Svo er líka svo töff að geta skrifað á sívíið að maður sé mellufær í arabísku.

Alĥamdulilah!

Kúrsinn er kenndur á dönsku og fannst mér kjörið tækifæri að slá tvær flugur í einu höggi og massa dönskuna í leiðinni. Það gekk ekki nógu vel því ég fékk kartöflu í hálsinn þegar ég átti að kynna mig og segja af hverju ég hefði valið arabísku. Fullt af tjellum þarna sem höfðu gefið solid skýringu, ein var ekkja manns frá Egygptalandi og langaði að læra málið svo hún gæti kynnst vinum hans (mér fannst það pínu skondið), önnur átti pabba frá Marokkó og enn önnur átti börn í Alsír.

Þar sem ég hafði enga spes ástæðu og tala þar að auki ekki dönsku var þetta einstaklega pínlegt móment. Fékk alveg aumingjalúkkið frá öllum nema Kristian steik sem var eflaust að spá af hverju ég drullaði mér ekki frekar í dönskutíma.

Komst svo að því að í Pakistan talar fólk ekki arabísku heldur panjabi eða urdu. Við erum því að leita okkur að nýju hobbíi og förum á kynningu í DTU á mánudaginn. Spennó.

Fórum stelpurnar að sjá Eivør Pálsdóttur á Jazzhouse í fyrradag. Hún var ekkert smá flott og talaði ógeðslega krúttlega dönsku. Söng á ensku, dönsku, sænsku, færeysku en ekki íslensku. Pah!

Færsla #58

2006-02-15T22:52:00.000+01:00

Ragga:

Jæja, allt að gerast bara.

Rakel og Hildur komu í heimsókn yfir helgina. Rakel var ekki alveg sátt við glerharða rúmið mitt og vældi smá. Skemmtum okkur samt konunglega og var ég eins og blóm í eggi.

Dró skutlurnar á Kampsaxkollegíið á fimmtudaginn. Duttum fyrst í hvítvín og spjall hjá Steinunni þar sem staða kvenna, þrældómur tískunnar og dvergafetishið hennar Rakelar var tekið fyrir.

Kíktum að sjálfsögðu á barinn og hefur aldrei verið jafnfámennt þar. Við vorum þó ekki í miklum vanda með að koma okkur í stuð og voru nokkur dansspor stigin. Ferðaþreytan sagði fljótt til sín hjá stöllunum og þegar þær sögðust ætla heim setti ég upp sólheimaglottið og vinkaði pent bless. Trausti vinurinn tekinn á þetta.

Á laugardaginn sjoppuðu Rakel og Hildur á meðan ég hafði mig til fyrir þorrablótið. Skammtaði mér 500 kalli fyrir djammið og hljóp svo yfir til Steinunnar þar sem við býsnuðumst yfir peningaleysi okkar. Ræddum febrúarmánuð sem kæmi til með að einkennast af núðluáti og snauðu skemmtanalífi. Ég batt snarlega enda á þær umræður þegar ég áttaði mig á að ég hafði steingleymt að huga að hálsmeni. Fögur fyrirheit fuku út í vindinn og var splæst í taxa niður í Magasin, hálsmeni reddað og eftir stóð ég með hundraðkall. Fékk lán hjá Elínu milla..

Kíktum á nýja slottið þeirra Elínar og Bjögga sem er á besta stað í bænum. Hér er Steinunn fyrir utan íbúðina:

Eftir fordrykk röltum við syngjandi af stað í tívolí. Vorum mætt snemma og náðum borði fremst. Ylfa skautaði svo inn rétt á eftir okkur með mörgæs sér við hlið. Þarf alltaf að stela þrumunni..

Mér til lukku settist hún hjá mér og hlógum við endalaust að öllu og engu.

Steinunn lét allan salinn standa upp og syngja, stóð svo fyrir kynlífsráðgjöf inni á klósetti seinna um kvöldið og þær Elín áttu töff komment yfir allan salinn um að hafa étið alla pungana.

Við vorum hressasta borðið:
Ylfa rifjaði upp gamla takta:

Rakel og Hildur létu svo sjá sig og áttum við yndislega endurfundi. Því miður var myndavélafærni mín þá farin að klikka og var þessi næst lagi:

Dönsuðum af okkur táslurnar og var ballið búið allt, allt, allt of snemma. Við tók hörmung lífs míns þar sem ómögulegt reyndist að fá taxa og kuldinn var ómennskur. Gunnar Jarl pleijaði klárlega herramann kvöldsins þegar hann fórnaði húfu og vettlingum í vælukjóann. Theink jú!

Rólegheit á sunnudeginum þar sem við vorum tíðir gestir á Hard Rock, skoðuðum aðeins Christianiu og duttum svo á Sam´s bar í karókí. Gunnar var sá eini sem tók lagið en Rakel beilaði alveg óvænt. Um kvöldið duttum við aldrei þessu vant í þroskaða pakkann og tókum billjón myndir og hlógum eins og fávitar. Rakel skellti sér að sjálfsögðu í sloppinn hans Peter sem ég leigi af (já, hann skildi sloppinn sinn eftir, veit hreint ekki hvar ég væri án hans) og Hildur setti upp hliðartagl. Svo tróðum við lakkrís milli tannanna (mér finnst það svooo fyndið) og mátuðum öll sólgleraugun í safninu hans. Myndirnar voru teknar á vélina hennar Hildar þannig að fleiri myndir eru væntanlegar :)

Færsla #57

2006-02-15T17:07:00.000+01:00

Sigga:

Til hammó með ammó, Óli bró!

Færsla #56

2006-02-09T20:06:00.000+01:00

Sigga:

Ég fyllist Danmerkur/Röggu/bjór/tjill-þrá þegar ég skrifa á evuoglottusíðuna. Af þeirri ástæðu er það andlegur sigur að blogga á síðuna og takast á við söknuðinn.

Hönnunarkeppnin var síðasta föstudag og vísindaferð í Marel á eftir. Rútubílstjórinn sem skutlaði okkur í Garðabæinn er algjör snillingur. Ég var sú fyrsta sem hann mætti þegar hann gekk inn í VRII og við áttum skemmtilegt móment:

Hann: Jaaaá, svo þú ert hrifin af vélum? (fær alveg tíu stig f. að brjóta ísinn með þessari snilld)
Ég: Já já, ég er að vísu í iðnaðarverkfræði en ekki vélaverkfræði.
Hann: Jæja já, hvað er það?
Ég: Eeeh, æ... ég læri t.d. voðamikið um framleiðslu og...
Hann: JÁ - OG FLÆÐI???? FLÆÐI, ER ÞAÐ EKKI?
Ég: Jú, einmitt... flæði.
Hann: Jaaaá, þá er gott að fara í Marel. Þar snýst ALLT um flæði.

Í Marel fengum við að sjá opticut matvinnsluvélina í aksjón. Mjög heillandi sjón og freistandi að stinga kjötbita í vasann fyrir mönsið síðar um kvöldið.

Mynd 1: Sýnir Opticut matvinnsluvélina frá Marel

Eftir Peerávda kíkti ég á svitaball Röskvu á Café Amsterdam. Sviti var kjörorð kvöldsins því að tvær sveittustu búllur 101 Rvk. voru þræddar í kjölfarið; Dillon og Celtic. Helvíti gaman.

Annars hef ég fetað í fótspor meistara Kreuzer en frá og með gærdeginum má titla mig kennara. Hef tekið að mér eðlisfræðikennslu í Fjöltækniskóla Íslands. Náði að halda athygli vélstjórnarnema nokkuð vel í gær þangað til Kiddi fór að tala um Lúdda sem laug því að hann ætti bíl sem gengi á flugvélabensíni og gæti komist upp í 240. Meiri steikin hann Lúddi. En mér líst annars bara vel á kennsluna.

Að lokum langar mig að minnast á þá snilld að pjásurnar sem halda til í Vafferr eru allar á topp 50 vísindamannalistanum. Lofsverður árangur þar á ferð - einkum hjá Elínu sem vermir 24. sætið.

Mynd 2: Sýnir sæti 24.-35. á lista yfir topp 50 vísindamenn Vélarinnar.

Færsla #55

2006-01-29T00:53:00.000+01:00

Ragga:

Ræktaði menningarvitann í mér í gær og skrapp á hönnunarsafn. Voða gaman og ég hitti þessar skutlur á hovedbane fyrir tilviljun:

Rakel búin að panta flug til mín og kemur eftir tvær vikur. Ég tipla á tánum af spenningi og er að vinna í að redda miða handa henni á þorrablótið. Má náttúrlega enginn missa af gleðinni þegar Sixties spila fyrir dansi. Vonandi verður hún ekki of full.

Hitti Sigga og co áðan. Voða fínt að koma inn úr kuldanum og fá heitt súkkulaði a la Ásta. Arnar litli var rosa krútt og ældi um leið og ég skilaði honum. Laglegt.

Annars hlustaði ég á leikinn í gær um leið og ég skoðaði lotukerfið með öðru auganu. Lýsendurnir alltaf skemmtilegir: “Hann hefur hugsanlega fengið högg á kjálkann. Sem er vont.” Gott að fá svona aukaupplýsingar.

Svipað og þegar Bjöggi og Steinunn voru að tala um að spila á hljóðfæri og syngja í leiðinni. Ég sat eins og kúkur og hafði ekkert að segja. Bjöggi voða næs, sneri sér að mér: “Þetta er svona eins og í körfunni. Maður má ekki horfa á boltann þegar maður dripplar því þá sér maður ekki völlinn.”

Skólinn byrjar á mánudaginn og ég fæ nýja fína herbergið á miðvikudaginn. Er voða spennt og er orðin nokkuð þreytt á að búa í Viggogötu. Það mættu fjórir nýir skiptinemar í húsið í dag þannig að nú erum við 9. Fjör.

Hér er snjór og Steinunn keypti þoturassa. Skelltum okkur á þá um daginn á eina hólnum í grenndinni.

Hér erum við á rassinum í snjónum.

Færsla #54

2006-01-18T01:38:00.000+01:00

Ragga:

Var að koma af þriðjudagsbarnum. Hitti Bjögga og Steinunni þar eftir langan dag með Oliver og Majiec. Þriggja vikna kúrsinn er heldur betur farinn að segja til sín og ég orðin nokk spennt fyrir föstudeginum. Modelling for Dummies hefði verið nær lagi en þetta advanced stöff sem ég asnaðist til að skrá mig í. Eftir tvær vikur er farið að skína í gegn hverjir eru að feika það og hverjir ekki...

Síðustu dagar mínir á Kampsax eru senn á enda. Þá á ég auðvitað við sem íbúi því ég geri sterklega ráð fyrir að vera fastagestur hjá Steinunni (er auðvitað með aukalykilinn). Sune, gaurinn sem ég leigi af, bankaði óvænt upp á hjá mér á miðvikudaginn og sagðist vera kominn til baka. Ég elska svona óvæntar uppákomur og tók þetta bara á kúlinu, hló næstum ekkert og var mjög yfirveguð. Steinunn kom yfir og hjálpaði mér að taka mesta draslið. Flissuðum endalaust mikið yfir hvað áramótaheitið mitt er búið að klúðrast mikið (“Hafa allt undir kontról”). Segi bara eins og Stonelove: Batnandi konum er best að lifa.

Oliver átti setningu dagsins áðan: “I´m going to the databar and you´re going to the cellar bar.” Mér til varnaðar var Bjöggi að fá vinnu í Nokia og er aldeilis ærin ástæða til fagnaðar. Ætlum að halda því áfram út misserið. Karókí, sumarhús, ströndin...

Fórum nokkur á ganginum í afmæli Kristians á laugardaginn. Ég og Steinunn vorum fyndnar og gáfum uppblásna kind. Féll í kramið. Bork missti hins vegar hressleikastimpilinn þessa vikuna og féll úr náð. Í partýinu söng hann stanslaust írska slagara þrátt fyrir engar undirtektir og hélt svo uppteknum hætti í lestinni á leiðinni heim, þá fyrir pening.

Hitti indverskan tennisvin Siggu áðan. Hann hefur séð 101 Reykjavík nokkrum sinnum og tölum við alltaf um Ísland þegar við hittumst. Alltaf jafngaman. Ég var að segja honum frá snjónum heima og var vægast sagt vandræðalegt þegar ég spurði hvort hann hefði einhvern tímann á ævinni séð snjó. Hann horfði á mig eins og ég væri hálfviti og gaurinn við hliðina á honum skellti upp úr. Ég náði næstum að halda kúlinu þegar hann sagðist vera snjóbrettagaur.

Færsla #53

2006-01-17T16:52:00.000+01:00

Sigga:

VÁ! Engin smábreyting!

Færsla #52

2006-01-10T23:35:00.000+01:00

Sigga:

Önnur dúfan flogin til Íslands eins og stelpan í herbergi 411 orðaði það svo vel. Fínt að vera komin heim þótt ég sakni Kampsax dáldið mikið og stelpunnar í herbergi 407 óendanlega mikið - enda er hún kærastan mín. Ég tileinka henni þessa fyrstu færslu mína á nýju ári.

Stemmningin í Vafferr í dag var góð. Kann ágætlega við þriðja árs stofuna og enn betur við kennarann í kúrsinum Nýsköpun, vöruþróun og markaðssókn - einkum vegna þess að hann er ískyggilega líkur Paul McCartney. Mikil vonbrigði að kennarinn í Stjórnun fyrirtækja líkist John Lennon á engan hátt né nokkrum öðrum Bítli og því hyggst ég vitaskuld ekki taka þann kúrs.

Síðustu daga hef ég dundað mér við að taka til í kjallaraholunni minni, breyta þar og bæta. Mikil hjálp hefur verið í rauðhærða stráknum sem hefur verið ansi liðtækur á borvélinni.

Nýtt loftljós og nýr lampi:

Þá gerði ég kaup ársins í Húsgagnahöllinni. Þrátt fyrir negatífa tölu á debetreikningnum mínum var engin rödd í hausnum mínum sem sagði mér að nokkrum þúsundköllum væri illa varið í eftirprentun á mynd eftir Roy Liechtenstein. Ég sé ekki vitund eftir kaupunum enda smellti ég myndinni fyrir ofan ljóta sófann minn og vonandi dregur hún athygli gesta frá honum.

Færsla #51

2006-01-08T17:17:00.000+01:00

Ragga:

Guð minn góður hvað gærkvöldið var kómískt.

Tour de Chambre á køkken 4 var fámennt en góðmennt. Mættir voru Klaus, Kristian, Morten, Peter og Rói að ógleymdri undirritaðri að sjálfsögðu. Undirbúningur fyrir herlegheitin var nokkur, eldhúsið tekið í gegn og splunkunýr örbylgjuofn vígður og þeim gamla hent út.

“Isn´t it nice to live with people who are ready to pay 900 kroners so that you don´t have to clean the microwave?”
“Skåååå-ål!”

Strákarnir voru í sínu fínasta pússi. Klaus reyndar í hefðbundnu skopparabuxunum sínum en braut út af venjunni með fallegri perlufesti um hálsinn.

Morten var í töff skyrtu með endurskinsmerki á barminum. Það gerði það að verkum að hann var með sjálflýsandi brjóst á hverri einustu mynd sem var tekin af honum þetta kvöld.

Ég: “Don´t you miss Sigga?”
M: “Well, I often talk to her on the internet so I´ll survive.”
Ég: “Don´t you miss Steinunn?”
M: “I miss my mum. It´s her birthday in a few days.”

Ég reyndi að njóta hvers augnabliks á meðan á kvöldverðinum stóð þar sem ég gerði mér grein fyrir að ég ætti líklega ekki eftir að upplifa annað eins. Svona aðstæður fást nefnilega ekki útí búð. Þriggja rétta máltíð og kertaljós var eitt það síðasta sem ég bjóst við að upplifa með drengjunum.

“Skål. Tak for I kom.”

Í forrétt fengum við rækjukokteil sem Morten bjó til af mikilli list. Með því serveraði hann hvítvín.

“I hope the whine is ok. I looked everywhere for a whine that matches the shrimps and this one came closest to it.”

Krúttið föndraði einnig blævængi úr servíettunum mér til mikillar skemmtunar. Þetta hefði svosum ekki þurft að koma mér á óvart þar sem ég kom að honum um daginn að þrífa ísskápinn með eyrnapinnum. Eyrnapinnum, for crying out loud!

Í aðalrétt var roastbeef og kartofler a la Kristian og var kjötið víst fandeme sejt. The raisin in the end of the hotdog var jarðarberja-, vanillu-og súkkulaðiís a la Peter. Ókei, hann bjó ekki til ísinn en það hefði verið í stíl við allt hitt.

Að uppvaski loknu tók við ráf í herbergi. Hæst ber að nefna númer 406 þar sem drukkið var Sambucca í boði Róa. Það má með sanni segja að nýr heimur hafi opnast fyrir mér þar og fannst mér æðislega gaman. Tilfinningin að finna glasið sogast að lófanum eftir að hafa fylgst með drykknum loga í örlitla stund er engu lík.

Ég var þriðja í röðinni og bauð upp á Opalskot og lakkrís. Öllum fannst það vont og var staldrað stutt við í 407. Ég náði þó að gera gott djók og troða lakkrís milli framtannanna og leika tannlausan róna. Jess..

Masood bættist í hópinn upp úr miðnætti og var manna lengst enda maðurinn með furðulegar svefnvenjur. (Þess má geta að hann er líka með furðulegar matarvenjur sem og líkamslykt. “Ég held að allir Indverjar noti sama ógeðslega rakspírann.”) Enn og aftur kom hann með myndir af unnustu sinni og mér gafst færi á að spyrja frekar um þeirra hagi. Einnig þreyttist ég á að bíða eftir boði í brúðkaupið og gekk í málið. Ég er meira en velkomin og tjáði hann mér að 1000 manns væru væntanlegir. Helvítis stemmning.

Restin af kvöldinu var í svipuðum dúr, sannarlega ánægjulegt og verður eflaust lengi í minnum haft.

Færsla #50

2005-12-19T20:50:00.000+01:00

Ragga:

Af daglegu lífi er það að frétta að ég þreif örbylgjuofninn í nótt eftir að hafa hlustað á nöldur í drengjunum aðeins of lengi. Eins og mamma gamla væri mætt á svæðið. Átti að vera löngu búin að þrífa kvikindið (hægt að telja seinkun í mánuðum) en þar sem maður er ekki drottning misskilnings fyrir ekki neitt þá fórst það fyrir. Var í alvöru að spá í að láta ofninn hverfa og skrifa miða:
Was so dirty that I came alive and have now moved to another kitchen.

Masood, Pakistaninn á ganginum, er sífellt að eiga stórleiki. Fyrir það fyrsta talar hann eins og Abú í Simpson´s. Um daginn var ég að borða harðfisk ásamt Morten (415) og hann ætlaði ekki að komast yfir það. Æpti upp yfir sig: “WHAT ARE YOU EATING?? IT´S DISGUSTING!! IS IT A DOLPHIN?” Morten horfði á hann í smástund og sagði svo hlæjandi: “Yeah, it´s a dolphin.” Hann fattaði ekki djókinn og öskraði: “OH MY GOD!! YOU ARE CRAZY! LOOK EVERYBODY, THEY ARE EATING A DOLPHIN!!” Svo aðeins seinna tjáði hann mér að ég myndi ekki fá franskan koss það kvöldið þar sem ég lyktaði eins og selur. Besta hrós í heimi...

Alveg eðlilegt að á laugardagskvöld bankaði hann á hurðina hjá mér til þess að gefa mér rauðvínsflösku. Ég var komin upp í rúm og hef því verið frekar mygluð. Mér fannst þetta ógeðslega sætt af honum og hann þokkalega kominn í mjúkinn hjá mér eftir selskommentið.

Adam var þó ekki lengi í paradís því þegar ég hitti hann í eldhúsinu daginn eftir benti hann á mig og sagði við gaurana: “You wouldn´t believe how bad she looks without her make-up.”

Annars á hann unnustu sem bíður hans í Pakistan. Þau eru ekki búin að hittast í tvö ár og hann hreinlega tiplar á tánum af spenningi. Það verður brúðkaup fljótlega eftir að hann kemur heim í apríl og býð ég spennt eftir boðskorti.

Mér finnst samband mitt við Sigríði krútt vera orðið steikt. Fyrir neðan eru nokkur dæmi.

Sigga: “Nennirðu að vera með hauspoka næst þegar við hittumst?”

Ég: “Nú?”

Sigga: “Því annars gæti ég étið þig þar sem þú ert eins og pepperonipizza í framan.”

Um daginn vorum við að skoða myndir í tölvunni hennar Siggu. Inn á milli mynda af vinunum sé ég kall sem ég kannast ekki við og spyr hver kauði sé. Fékk svar að bragði: “Þetta er danskur pólitíkus. Til venstre.” ..eins og ekkert væri eðlilegra!

Stundum fæ ég líka á tilfinninguna að okkur sé farið að skorta umræðuefni. Áttum t.d. þessar samræður áðan:
Sigga: “Hvort ertu meira fyrir kjúkling eða fisk?”
Ég: “Erfitt að segja. En þú?”
Sigga á innsoginu: “Já, erfitt að segja líka.”
Svo kom mjög vandræðaleg þögn.

Færsla #49

2005-12-18T13:33:00.000+01:00

Sigga:

Var að fletta í gegnum myndasafnið og þar sem ég verð alkomin heim á fimmtudaginn er við hæfi að líta yfir önnina sem leið. Margar myndir höfum við pjásur tekið af okkur við hin ýmsu tilefni.

Myndin hér að ofan var tekin þegar við fréttum að þessi pjása:

væri með krókódílabeibí í maganum. Ætlar sú pjása ekkert að blogga? Hef heyrt að lesendur bíði spenntir eftir bumbumyndum! ;)

Að búa á Kollegíi er dásamlegt, eins og lífið sjálft! Kosturinn við að búa á jarðhæð er sá að maður getur alltaf átt von á heimsókn á gluggann (ég elska þessa mynd):

Annars er ég ógurlega tilfinninganæm þessa dagana og hundfúl að þurfa að kveðja Djéká líkt og áður hefur komið fram. Á eftir að sakna krakkanna á ganginum þrátt fyrir að hafa orðið fyrir aðkasti oftar en einu sinni vegna harðfisksins míns og fiskibollanna. Verð líka að játa að brandarinn um að það sé í bígerð hjá mér að kaupa alla Danmörku (liggur beint við þar sem ég er Íslendingur) er orðinn píííínulítið þreyttur.

Hér að ofan til vinstri má sjá Jonas (17), Brian (06), Allan (13) og Jesper (06) fagna áramótunum. Í miðjunni er ég ásamt Kínverjanum Liang (08) sem strákarnir fylltu hér fyrr í vetur með þeim afleiðingum að hann ældi út um glugga og Jakob KK-formand (09) sem verður ægilega pirraður ef maður gleymir að fara út með ruslið. Til hægri eru Tina (14) og Allan (13) í trylltum strandarfíling. Fallegt fólk á KK21, ekki satt?

Annars er litla dúllan mín hún Ragga bara í fríi þessa dagana á meðan ég tileinka mér lögmál varmaflutningsfræðinnar. Hún notar tímann vel - hefur dekrað við strákana á KK4... bakað fyrir þá og krúttlast með Bork sem virðist allur vera að hressast eftir veikindin. Hún svona finnur sér eitt og annað til dundurs; skrifar bréf til pennavina, prjónar og skipuleggur jólafríið. Svo kíkti hún í smáheimsókn til mín í gær og við drukkum saman pepsi og tókum smá myndasession. Við erum í stöðugri þróun í módelstörfunum.

Á fyrstu myndinni erum við að hreinsa tennurnar með munnskoli... Það geta ekki allir litið vel út með munnskol í kjaftinum. Á annarri myndinni tókum við smáflipp og ég klæddi mig í brúðarkjólinn sem ég fann í skápnum í herberginu mínu og Ragga í ferlega sæta dragt. Um leið og ég hafði smellt af þriðju myndinni gall við í Röggu: "Neeei, ég panikaði aðeins með svipinn!". Augljóst þegar litið er á myndina. Alls ekki fagmannlegt. RÖGLIÐ SEM MAÐUR LENDIR Í! En nóg af egómanínu og meiri lærdóm.

Sjáumst eftir meeeeeegastuttan tíma!

Færsla #48

2005-12-16T14:45:00.000+01:00

Ragga:

Mamma, er í lagi að ég komi með deit á aðfangadag?

Færsla #47

2005-12-15T12:48:00.000+01:00

Sigga:

Naked Santa fyrir Röggu:

Til þess að svara fyrirspurnum fjölda fólks get ég með nokkurri vissu sagt að það er næstum alveg jafnleiðinlegt í prófum í Djéká og á Íslandi. Mikið verður gott þegar þessu lýkur. Annars verða þær tregablandnar tilfinningarnar í huga mér 22. desember þegar ég kveð Djéká þar sem helgin byrjar ALLTAF á fimmtudegi (nema auðvitað í prófunum). Verður samt gott að koma heim í jólafrí. Ég á eftir að redda jóladressinu. Hefur einhver tíma til þess að kíkja með mér í tískuverslunina Guðrúnu á Þorláksmessu? Mig dauðlangar í Jersey kjól, sjá hér.

Færsla #46

2005-12-12T16:34:00.000+01:00

Ragga:

Uss hvað ég er komin með leið á þessum prófum. Það verður nú gaman að leggja jogginggallann á hilluna og skunda í byen að sjoppa julegaver. Ætli maður splæsi ekki á sig átfitti svo maður fari ekki í jólaköttinn. Annars er alltaf hægt að taka þennan á þetta ef maður finnur ekkert fallegt:

Hann var sko á jólakvöldi á barnum um síðustu helgi og var svona þvílíkt hress og skemmtilegur. Neihh djók... við erum auðvitað löngu hættar að fara á barinn út af prófunum!

Færsla #45

2005-12-09T15:56:00.000+01:00

Sigga:

Hér í DTU er starfsfólkið í prófunum ellilífeyrisþegar líkt og í HÍ. Það kann ég afskaplega vel við.

Færsla #44

2005-12-08T19:26:00.000+01:00

Sigga:

Valla veit ad eg veit og thvi birti eg leikinn her med...

1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér hvaða bragð/lykt minnir mig á þig.
4. Ég segi þér eitthvað sem aðeins við tvö/tvær skiljum.
5. Ég segi þér fyrstu ljósu minninguna mína af þér
6. Ég segi þér á hvaða dýr þú minnir mig á.
7. Ég spyr þig að einhverju sem ég hef lengi velt fyrir mér um þig.

Thetta er Sigridur sem talar ur DTU (...det blir til noget).

Færsla #43

2005-12-07T13:38:00.000+01:00

Ragga:

Fórum í klippingu um daginn hjá Kidda. Meira hvað drengurinn er klár og skemmst frá því að segja að við erum allar ógeðslega sætar… eða svona því sem næst: “Ég er klippari EKKI töframaður!”

Annars kemst fátt að þessa dagana nema lærdómur og erum við því orðnar ekki lítið spenntar að koma heim á klakann í afslappelsi og kósíheit. Fékk tvö símtöl að heiman í gær, annað frá múttu sem er í svipuðum sporum og ég hvað lærdóm varðar, þ.e. að mygla. “Ég er í fríi milli jóla og nýárs þannig að við getum haft það þvílíkt gott: PÚSLAÐ!” Ekki slæmt trít fyrir púslnördinn :)
Hitt var frá Rakel og Ingster: “Hæ, ertu ekki með hiksta, vorum að tala um þig..” Niðurtalning hafin…

Færsla #42

2005-12-01T18:52:00.000+01:00

Til hamingju með afmælið elsku Sigga pjása!

Færsla #41

2005-11-30T01:09:00.000+01:00

Sigga:

Hafi alvaran einhvern tímann blasað við þá er það núna. Fjögur próf framundan (fimm hjá Röggu) og menntagyðjan hefur sannarlega ekki blessað mann þessa önnina með iðjusemi og menntafýsn. En allt stendur þetta til bóta og pjásurnar iðnar sem aldrei fyrr og eiga líklega eftir að rúlla upp þessum prófum.

Helgarferðin til Amsterdam var frábær enda ferðafélagarnir ekki af verri endanum. Það sem stendur upp úr eftir helgina er líklega að hafa hitt jólasveininn:

Þarna sat hann áhyggjulaus kallinn (eins og fólkið sem býr við skátaheimilið) og lét ýta sér á skautasvelli í miðborg Amsterdam. Ætli hann hafi ákveðið að skella sér til Amsterdam til þess að fá sér aðeins í haus - svona til að ná úr sér mesta jólastressinu?

Þá var gaman að ferðast um í sporvagni. Mikið væri það sniðugt ef land orku og öfga tæki upp á þessum ferðamáta.

Annars skrifaði Steinunn ferðasögu sem ekki verður toppuð þannig að ég læt nægja að benda á hana. Myndir úr ferðinni má sjá hér.

Mikill kuldi er núna í Danmörku og erfitt að vera fátækur námsmaður í illa upphituðu kollegíherbergi. Danirnir passa vitaskuld upp á að eyða ekki of miklu í slíkan lúxus og afleiðingin er þessi:

Þ.e. grautfúll námsmaður með trefil og húfu við lærdóminn!

Færsla #40

2005-11-29T23:42:00.000+01:00

Ragga:

Aðalástæðan fyrir jólaskapinu er auðvitað síðasti tíminn í OppAnalyse sem var í gær. Henrik kennari kom heldur betur á óvart og mætti í jólasveinabúning. Svo bauð hann upp á piparkökur og allt. Þori að veðja að það er ekki svona gaman í framleiðslugreiningu heima..

Svona er Henrik vanalega.

Hér er jólasveinninn með Mette og Anne Marie vinkonum okkar. Takið sérstaklega eftir vestinu sem Anne er í en Sigga var að kaupa sér alveg eins.

Færsla #39

2005-11-29T20:53:00.000+01:00

Ragga:

Þórdís kom í heimsókn í holuna mína í gær. Hún kom með allt þetta nauðsynlegasta: harðfisk, lopapeysu, þrista, lakkrís og lambakjöt (mmm fresh meat). Einnig fékk ég brot af hennar farangri til að flytja heim. Helst ber að nefna risastóran bleikan kassa (princesse kitchen) sem kemst ekki einu sinni í svartan ruslapoka. Verð svöl að burðast með hann á Kastrup..

Hitti þessa í gær og er orðin spennt að koma heim. Mamma, nennirðu að hafa fisk í matinn 22. desember?

Færsla #38

2005-11-26T20:01:00.000+01:00

Ragga:

Ég og Sigga horfðum á Ástarfleyið um daginn. Greinilega gott stöff þar á ferð og mikið sem gerist í hverjum þætti. Kann að meta svona vinnubrögð og fannst sérstaklega góð senan þar sem þau þurftu að þrífa bátinn. Gott að fá að vita hvað hverjum einasta keppanda fannst um þrifin. Ekki mikið síðri var veiðisenan sem var mjög löng. Verst að enginn veiddi neitt...

Uppáhalds okkar er að sjálfsögðu smiðurinn: “Svo vorum við látin þrífa bátinn. Það var náttúrlega bara snilld!”

Steinunn bauð okkur í Thanksgiving dinner á fimmtudaginn. Eftir hann hófst kveðjupartý fyrir mig (kannski pííínu að túlka hlutina mér í hag) þar sem stelpurnar fóru til Amsterdam á föstudaginn.

Kristian, Steinunn og Sigga pjása.

Steinunn var klárlega ferskasti Amsterdamfarinn og var mjög hressandi að vakna við lætin í henni á föstudeginum. Hún reddaði allavega kemi..

Hér er Steinunn rétt fyrir brottför á flugvöllinn.

Tóta tryllir er í Köben og fékk ég sms frá henni áðan þar sem hún sagðist vera ein á slísí gothic bar. Mjög eðlilegt bara. Hitti líklega mæðgurnar á mánudaginn - gríðarleg spenna!

Færsla #37

2005-11-24T00:43:00.000+01:00

Ragga:

Gleymdi alltaf að setja myndir frá síðasta fimmtudegi. Gleðin var í algleymi og Bork og Steinunn voru orðin dáldið æst:

Elska þessa mynd, hún er svo hressileg!

Peter eitthvað að gramsa í herberginu hans Bork: "What´s this?"
Bork eins og ekkert væri eðlilegra: "It´s my coconut bra!"

Hér er Peter í dressinu, strápilsið sést því miður ekki. Mjög töff að hann skyldi fara svona á barinn.

Færsla #36

2005-11-23T13:20:00.000+01:00

Ragga:

Inga og Bjöggi voru í Køben yfir helgina. Þau fengu aðeins að kynnast stemmningunni á Kampsax á föstudagskvöldið. Byrjuðum á að taka póker við strákana á ganginum og eftir hann fórum við í drykkjuleik. Óhætt að segja að dönsku bjórþambararnir hafi drukkið okkur undir borð. Sigga og Nanna létu sjá sig og fannst mér sniðugt að bjóða öllum inní herbergið mitt. "Bring a chair, bring a chair!"

Nanna og Klaus (fyrir aftan er Blómið)!

Rejhan og Inga!

Bjöggi og Inga!
Svalur í nýja leddaranum!

Læt myndirnar nægja, late for class...

Færsla #35

2005-11-23T12:58:00.000+01:00

Ragga:

Mætti snemma í Mennesket og det fysiske í morgun. Sigríður kom rétt á eftir mér, leit á mig í senn hissa og alsæl auðvitað: "Nei, á dauða mínum átti ég von.. þú hér!"

Fyrirlesarinn var sænskur og með hryllilega fyndinn hreim. Meira hvað Svíar eru gay. Skelfilega þreytandi tími en Sigríður var dugleg að finna sér ýmislegt til dundurs. Til dæmis skrifaði hún minnislista yfir það sem hún ætlaði að kaupa í búðinni. Að því loknu heyrði ég hana muldra í barm sér og hripa hjá sér einhverjar tölur. Ég leit spyrjandi á hana og fékk útskýringu: "Ég er bara að reikna út hvað þetta á eftir að kosta mig."

Litlu seinna spyr hún mig hvort hún megi fá lánaða vigtina mína. Þá var dúllan að hafa áhyggjur af yfirvigtinni og væri ég ekki hissa ef hún væri að prufupakka núna.

Ég spurði hvað hún ætlaði að gera við hjólið og varð hún þá áhyggjufull á svipinn.

"Ætli það sé hægt að selja það hérna úti?" Svo eftir smá stund ljómaði yfir henni: "Hei! Vantar þig ekki hjól?"

Allar klær úti..

Færsla #34

2005-11-22T14:39:00.000+01:00

Til hamingju með afmælið elsku Gilli!

Fáðu þér nú hvítvín í tilefni dagsins! :)

Færsla #33

2005-11-17T15:34:00.000+01:00

Sigga:

HVERSDAGSSAGA ÚR SAMTÍMANUM

Á leið minni heim úr Lyngbycenter núna rétt áðan átti ég eina klaufalegustu stund lífs míns. Ég ákvað að það væri mál til komið að fylla á matarbirgðirnar enda fátt eftir í búrinu nema hrökkbrauð og gúrka. Það var því vel klyfjuð stúlkukind sem hjólaði til baka upp í Kampsax. Mér til óhapps losnaði reimin mín á leiðinni og flæktist í vinstri pedalanum með þeim alfleiðingum að ég datt á hliðina og bakpokinn kollverptist yfir hausinn á mér. Enn kárnaði gamanið því að þegar ég ætlaði að standa upp og reyna að endurheimta virðingu mína áttaði ég mig á því að skórinn var enn fastur við pedalann og ég gat því með engu móti hreyft mig og hvað þá komið mér á lappir. Var gjörsamlega ráðalaus uns ég heyrði: "Kan jeg måske hjælpe dig?" Jesss... var ekki kominn mótorhjólatöffari sem losaði mig úr prísundinni...

Lýsi annars eftir skemmtilegum herbergisfélaga í útskriftarferðinni. Ég reyki ekki og er barnlaus.

Færsla #32

2005-11-16T23:41:00.000+01:00

Sigga:

Nú hef ég kvatt mömmu og pabba en þau hafa verið hér í Køben síðustu vikuna. Það var rosagaman að hitta þau og því ekki laust við að tárin hafi fallið við kveðjustundina á hótel Palace við Rådhuspladsen þar sem settið gisti síðustu tvær næturnar. M+P vildu allt fyrir mig gera og því hef ég lifað eins og kóngur síðustu vikuna. Farið út að borða oftar en góðu hófi gegnir og ekki laust við að prímadonnustælarnir þvælist fyrir mér nú þegar líferni fátæks námsmanns blasir við.

Í gær fórum við út að borða á Jensen's bøfhus og það var hár í matnum hennar mömmu og var henni því gefið gjafabréf upp á nýja máltíð sem vitaskuld féll í minn hlut. Jesss! Hver vill koma með mér út að borða? Með okkur í för var ástarkærustuparið Láki bróðir minn og Sunna.

Síðastliðinn sunnudag bauð Sunna (tilviljun?) okkur upp á dásamlega ISO-önd sem elduð var með ást og tilfinningu. Kann ég henni bestu þakkir fyrir góða máltíð og ekki síður Óla sem valdi öndina af mikilli kostgæfni.

Annars er kominn fjandans kuldi hérna í Djéká og er ég pabba ævinlega (eða a.m.k. eitthvað áfram) þakklát fyrir trefilinn og vettlingana sem hann gaf mér. Sem stendur sé ég að það er tveimur gráðum heitara í Reykjavík en í Kaupmannahöfn! Magnað! Vildi að ég væri kominn heim í hitann. En í tilefni lækkandi hitastigs og komandi vetrar fjárfesti ég í nýjum leðurjakka sem ég fékk á Købmagergötu. Hann er fjandi flottur og fullnægir í senn praktísku hlutverki sem og leður-fetishi okkar Gillz. Búast má því að ég verði búin að bæta leðurbuxum í safnið áður en langt um líður.

Að lokum. Staðfestur heimkomudagur er 22. desember.

Færsla #31

2005-11-16T03:05:00.000+01:00

Ragga:

Ég er komin heim á køkken 4.

Það var yndislegt að hitta Liljuna sem talar nú orðið eins og innfæddur Lundúnarbúi, með alla frasana á hreinu. “Hann er sko ógsla poss.. þúst snobbaður!” Mér finnst náttúrlega alltaf flottast að vera með Íslendingahreim og er eftir miklar pælingar að spá í að vera ekkert að skipta..

Skruppum á djammið þar sem ég lenti í skrýtnu samtali við breska fótboltabullu: “Ædúr Gúddjonnsen is like a father to me!”

Æi plís!

..maður er alltaf vitur eftir á: hefði náttúrlega átt að segja honum frá því þegar kjeppinn var feitur og í KR í þokkabót. Furðulegt nokk, ekki svo langt síðan sem ætti að blása okkur öllum byr undir báða vængi: Allt er hægt pípúl!

Ég vil nú ekkert vera að alhæfa (hahh! ..er ekki mikið fyrir að taka stórt upp í mig. (Óli, plís ekki misskilja!)) en mikið eru Bretar hallærislegir! Sérstaklega skar úr að allar stelpurnar voru berleggja í ógeðslega stuttum pilsum og flegnum bolum. Ég á hinn bóginn hélt alveg kúlinu með húfu og vettlinga allan tímann. Það var nefnilega ógeðslega kalt.. ég elska déká, svo milt veðurfar og barinn hvort eð er alveg við hliðina þannig að veðrið er ekkert issue ef út í hart fer!! Hér erum við kærusturnar:

Var rétt í þessu að koma af S-huset. Bjöggi afmælisbarn tilkynnti markaðshugmynd aldarinnar sem vinur hans á víst heiðurinn af: “Áfengislaus vodka og smokkar með typpabragði.”

Lítur hann út fyrir að vera klár gaur? (Takið einnig eftir banvænu augnaráði kæfunnar minnar.)

Pöntuðum bjórturn í tilefni afmælisins og ég mátti hafa mig alla við að halda í við þau hin (var auðvitað bara í hvidvin, menningarljónið sjálft). Stóð mig vel að vanda.

Annars fannst Elínu alveg augljóst af blogginu að dæma að ég og serkurinn værum ástfangin. Góði mannþekkjarinn! Ykkur að segja þá er gifting í vændum og ætlum við að mála okkur gul og ég að túbera hárið og mála blátt. Simpsons þema, allir að mæta í búning.. serkurinn er nefnilega heitur fan og hvað gerir maður ekki fyrir ástina?

Færsla #30

2005-11-09T00:24:00.000+01:00

Ragga:

Steinunn hélt matarboð áðan til að undirbúa fólk fyrir Amsterdam en Sigga pjása, Steinunn, Elín og Ylfa munu bregða undir sig betri fætinum 25. nóvember. Þó að ég sitji eftir með sárt ennið var mér samt boðið í matinn, enda æðislega hress pía. Steinunn eldaði rækjurétt og borðuðum við allar yfir okkur. Í eftirrétt var ís með marssósu og var blessunarlega afgangur. Við ætlum að fá okkur svoleiðis í morgunmat kl.8 og horfa á Simpsons. Gott að vera búin að plana að mæta of seint í tíma..

Héldum svo inn í herbergi að hlusta á jólalög. Steinunn er nefnilega komin í rosalegt jólaskap, bauð upp á mandarínur og jólakökur. Svo sátum við við kertaljós og sungum hástöfum: "ég hlakka svooo til!"

Helstu fréttir af mér eru þær að ég er að fara til London yfir helgina að heimsækja Lilju travel agent. Held það verði æðislega gaman að hitta skvísuna. Ef ekki þá þekki ég nú eitthvað fólk þarna...

Annars er ég mikið búin að spá í framtíðinni, finnst óþægilegt þegar hlutirnir eru óráðnir. Missi jú herbergið mitt í lok janúar og þá er fjandinn laus. Var að væla yfir þessu við Bork á ganginum. Hann er hrikalega fyndinn gaur og Harry Potter fan#1. Við Sigga köllum hann alltaf serkinn því hann á rosalega stóra gráa úlpu.

Serkurinn á góðri stund.

Allavega, Bork hélt nú að það yrði lítið mál fyrir mig að redda mér samastað og ef út í hart færi þá myndi hann bara reka út einhverja af Kínverjunum. Já gott fólk, Danirnir eru með svakalega fordóma fyrir grjónunum (djók!). Var á gangi með honum og hann byrjar þykjustusamtal við tjænamann: “you´re small and unsignificant human being. LEAVE!” Svo hló hann geðveikt en ég roðnaði og óskaði þess að enginn hefði heyrt þetta. Sussaði svo pent á hann og hann leit á mig alveg hissa á tepruskapnum. Rosalegt!

Annars kom ísbíllinn áðan. Ég var að taka siestu og vaknaði við að það klingdi bjöllum fyrir utan, æðisleg stemmning. Örfáum sekúndum síðar heyri ég einhvern hlaupa eftir ganginum og öskra: "Vúhú!" Serkurinn kann sko að meta ís!

Færsla #29

2005-11-06T05:36:00.000+01:00

Ragga:

Kvöldið byrjaði á partei hjá Sunnu og Óla. Einkar hressandi þar sem við hittum margan manninn. Sigríður eyddi dágóðri stund í heimspekileg málefni með danskri píu á meðan ég lærði nýjan leik með íslenskum blómarósum.

Sálin var spes. Þórdís Gúddmúndsdóttir, hei kanína er án efa lélegasta lag Íslandssögunnar!

Ég komst samt í heljarinnar stuð á tímabili, fer ekkert í felur með það. Hittum svakalega massaðan mjólkurfræðing sem hélt uppi stuðinu. “Eruð þið allar svona ensjínörar? ... ég er bara mjólkurfræðingur.” Ylfa ógeðslega jákvæð og skemmtileg: “Bíddu hvernig var þetta aftur? ..það verður enginn mjólkurfræðingur í móðurkviði!” Það voru auðvitað allir með á nótunum!

Mér fannst stemmningin viðbjóðslega fyndin og átti bágt með mig. Tók að mér rassskellingarhlutverkið sem var vandræðalegt fyrir Bjössa bollu. Sigríður var dugleg að narra tjellingar í danshringinn öðrum (þá sérstaklega mér) til ómældrar ánægju.

Bömmer kvöldsins: Myndavélin gleymdist.
Lexía kvöldsins: Ég er með ofnæmi fyrir cabernet sauvignon. Þökk sé Sigríði er það loks komið í ljós. Var eins og fílamaðurinn á tímabili (útbrot alls staðar og nef eins og rúdolf) en ss pylsan var dugleg að blása í mig kjarki. Kannski ekki svo mikill bömmer með myndavélina eftir allt saman..

Kvöldið endaði á því að það var svindlað á okkur í taxa. Við létum þó ekkert vaða yfir okkur ókeypis, rifum kjaft, kvörtuðum og beygluðum bíl.

Annars er ég enn að hlæja yfir Bodil og blauta prumpinu. Óli, áttir þú nokkurn þátt í því kommenti?

Færsla #28

2005-11-03T21:17:00.000+01:00

Sigga:

Fíliði Sálina? Nei, ekki ég heldur en við pjásurnar þrjár erum samt búnar að kaupa okkur miða á Sálarball sem verður haldið hér í Köben á laugardaginn. Ákváðum bara að skella okkur - miðinn kostaði skid og ingenting og svo verður þetta pottþétt magnað djamm, hehe! Það versta er samt að ég hef aldrei hlustað neitt á Sálina, nema á MR-böllum. Maður mætti nú á böllin hérna í den, hehe. En samt sem áður þekki ég enga texta að ráði og hafði því áhyggjur af því að vera eins og kjánaprik á ballinu og skella mér á barinn í hvert sinn sem þeir spila lag sem ég þekki ekki... og þá myndi ég líklega vera á barnum allt kvöldið. Má ekki gerast!

Ragnhildur deilir þessum áhyggjum með mér og bauð mér yfir til sín á þriðjudag í Sálarupphitun. Ég mætti galvösk yfir til pjásunnar og jah... á dauða mínum átti ég von en jöminn! Ragnhildur var að sjálfsögðu að blasta Sálarlögin þegar ég mætti. Tók á móti mér alvarleg í fasi og rétti mér ljósrit af öllum þessum helstu Sálartextum og sagði: "Komdu vinkona, við höfum verk að vinna!" Framundan var erfitt kvöld. Með textana f. framan okkur sungum við hvert Sálarlagið á fætur öðru uns ég gat ekki meir... En það kom berlega í ljós í þessari upphitun okkar að Ragnhildur er laumu Sálar-fan. Ég minnist gullmola eins og: "Oh dem! Þetta er ótrúlega gott lag!" og "Nei, við hlustum á þetta aftur og aftur þangað til þú kannt textann, Sigríður!". Svo kvaddi hún mig með þessum orðum: "Vertu dugleg að lesa textana yfir! Þarft sérstaklega að skerpa á 100.000 voltum og millipartinum í Orginal!"

Kíkti í miðbæinn í gær til að skoða gleraugu og kaupa flytte ind gave handa Óla bró og Sunnu. Ótrúlegt hvað maður er duglegur að bonda við Danina við hinar ýmsu aðstæður. Ein stelpan stoppaði mig á Strikinu, rétt við Kongens Nytorv, og spurði hvort ég nennti að spjalla í smástund. Í ljós kom að hún er í grasrótarsamtökum sem vinna að náttúruvernd og sagði mér frá spillingunni og þeim ósóma/náttúruspjöllum sem fylgja stóriðju. Bað mig svo um að gerast félagi. Ætti ég að slá til? Mig vantar svo pólitíska vini (hint til þín Ragga, hehe!). Krakkarnir á ganginum mínum hafa ekki mikinn áhuga á kosningunum sem í nánd eru hér í DK. Allan hinn massaði sendi t.d. einum kallinum í sjónvarpinu fingurinn í hádeginu til þess að undirstrika vanþóknun sína á pólitíkusunum.

Annars kemur Tuborg-jólabruggið á morgun kl. 16:59 og eru Danirnir alveg að fara yfir um af spenningi. Verður víst óskaplegt fjör! Verst að mér finnst dökkur/brúnn bjór ekki góður. En hvað gerir maður ekki fyrir jólafílingin? Hehe...

Færsla #27

2005-10-31T20:06:00.000+01:00

Ragga:

Bodil vinkona mín: Bodil mína hitti ég á fimmtudögum í tvinnfallagreiningu. Hún er einstaklega líflegur og skemmtilegur karakter og kemst ég alltaf í djammfíling þegar ég hitti hana. Hún hreinlega iðar af lífi, stekkur til og frá og finnst alveg óskaplega gaman að reikna. Göngulag hennar minnir mig ýmist á lítinn pattaralegan sjóara eða Gyðu Sól. Bodil er síbrosandi, eiginlega má segja að hún sé með hálfgert skítaglott framan í sér og finnst mér ótrúlegt að það hafi náðst mynd af henni nánast óbrosandi eins og hér fyrir ofan. Við hittumst í dag og hjálpaði hún mér með skiladæmin fyrir morgundaginn. Kys og kram til dig søde pige og vi ses på torsdag!

Færsla #26

2005-10-31T02:20:00.000+01:00

Til hamingju með afmælið elsku Lilja!!

Færsla #25

2005-10-30T17:20:00.000+01:00

Sigga:

Nú er búið að seinka klukkunni hér í DK og ég er alveg rugluð! Veit ekki hvaða áhrif þessi tímabreyting mun hafa á líkama og sál. Á ég t.d. að fara klst. fyrr að sofa í kvöld eða á ég að fara mér hægar í breytingunum og ná aðlögun með smærri skrefum, t.d. tíu mínútum í senn? Hefði ég átt að djamma klukkustund lengur um helgina eða læra klst. lengur? Kannski skipta græddum klukkutíma jafnt á milli allra dagsverka minna? Ég er í gífurlegu ójafnvægi vegna þessa og vona að breytingin fari ekki of illa í mig.

Annars var helgin góð. Slikmutter á barnum á fimmtudaginn; nammiskot (Gei joooúl og Fissjermannsfrend) á 5 kr. alla nóttina. Skemmtum okkur fram á nótt - m.a. með þessum gaurum:

En nú... iðnaðartölfræði! Held að aukaklukkutímanum væri býsna vel varið í hana.

Færsla #24

2005-10-29T15:38:00.000+02:00

Til hamingju með afmælið elsku Jóhanna panna!!

Færsla #23

2005-10-29T04:29:00.000+02:00

Ragga:

Mamma, ég sé um möndlugjöfina í ár:

Færsla #22

2005-10-27T18:28:00.000+02:00

Ragga:

Það kann að hljóma ótrúlega en tvinnfallagreining er skemmtilegasta fag annarinnar. Oliver hinn þýski hefur algjörlega tekið að sér kennarahlutverkið og leiðir okkur Ylfu í gegnum dæmin. Frekar vinsælt!

Þetta er Oliver.

Ylfu finnst ekki gaman að reikna og hefur þess í stað tekið að sér að vera fyndin. Dó næstum úr hlátri í dag.

Oliver og Ylfa að tala saman og ég að glápa á þau. Fékk svo snöggan verk aftan í hnakka sem leiddi leifursnöggt gegnum haus og blokkaði sjón á hægri auga. (DON´T PANIC PEOPLE.. var sko bara í hálfa sekúndu eða minna). Ég fann einhverja þörf fyrir að segja frá þessu og byrja að útskýra með mínum íslenska hreim: “... and there was like a strike through my head and then I lost my sight..”
Ylfa horfði í smástund á mig og svo: “Maybe you´re mentally ill, maybe it´s the math, you know, you see what you wanna see.”
Ég: “I was watching you..” Við í hláturskast.

Svo aðeins seinna ætlaði ég að spyrja Ylbs hvert hún væri komin í dæmunum. Ég er svo orðheppin: “Ylfa, where are you..?”
Hún horfði á mig dáldið áhyggjufull, svona eins og það væri eitthvað stórkostlegt að mér, byrjar svo að vinka: “I´m right here, can´t you see me?”

Æi, kannski svona had to be there.

Annars er allt fínt að frétta. Slikmutter kvöld á barnum á eftir. Dáldið furðulegt nafn á kvöldi en við ætlum að gefa því séns, öll nammiskot á fimmkall. Verð samt settleg því ég á að mæta í efnafræði kl.8 í fyrramálið. Jesssss..

Ég og Sigga keyptum miða á Sálina áðan. Kostaði skid og ingenting og allir að fara. Óli bró er meira að segja búinn að bjóða í fyrirpartý. Hann klikkar sko ekki á stemmningunni kallinn. Heheeee...

Færsla #21

2005-10-23T22:44:00.000+02:00

Sigga:

Hej allesammen! Vores danske venner har alle beklaget sig over at vores hjemmeside er skrevet på islandsk. Men vi fleste Islændinge lærer jo dansk for syv år - så det er lige meget om jeg skriver på dansk her på siden, ikke?

Nu er efterårsferien næsten slut! Den har været rigtig god. Gilli og Siggi var på besøg og sidste mandag var vi i biffen og så Charlie and the Chocolate Factory. Jeg kan huske at jeg HAR læst bogen men det er det eneste jeg husker så jeg havde ingen forvetninger. Men filmen var god nok - en rigtig god oplevelse. Johnny Depp var fantastisk som Willy Wonka og ligeledes Freddie Highmore som spillede Charlie Bucket. Ja, Charlie and the Chocolate Factory var sjov, charmerende og farverig! 3 stjerner!

Jeg har lige købt en pressekanne så nu kan jeg lave en rigtig god kop kaffe. Det synes jeg er vigtigt fordi de kommende uger skal jeg være dygtig til at læse. Kun halv anden måned tilbage af semesteren... :(

Færsla #20

2005-10-20T17:59:00.000+02:00

Ragga:

Haustfríið búið og lærdómur lífs míns tekur við... frá og með morgundeginum. Áttum voða ljúfa daga þar sem þetta stóð upp úr:

Reef ‘n Beef (ástralski staðurinn) þar sem ég fékk mér þorsk. Siggi var aðeins frumlegri og fékk sér emúa. Gott stöff.

TDC hjá Siggu þar sem Jakob á ganginum hennar skaut Gilla og Sigga tvisvar. Hann var með byssuþema og var að sýna þeim byssur: “Stand up, turn around, two bullets for each” og svo skaut hann þá í rass og bak. Mjög eðlilegt.

Experimentarium, vísindasafn með skemmtilegum speglum þar sem maður er æðislega mjó himnalengja. Þar eru reyndar líka speglar þar sem maður er ekki eins töff, hálfur metri og með feitasta rass í heimi.

Playboy night á barnum niðri og besta comeback allra tíma frá Peter á ganginum mínum. “Why weren´t YOU watching?”

Næturlífið í miðborg Kaupmannahafnar í gærkvöldi. Birkir og Jóhanna voru afar hress:

Á Pilegaarden hitti Siggi Önnu Beggu frænku sína og í sameiningu skipulögðu þau mini-ættarmót sem haldið var í dag hjá Mumma og Ástu ásamt því að huga að jólagjöfum handa skyldmennum.

Annars átti Sigríður hvern stórleikinn á fætur öðrum og toppaði allt þegar hún pantaði sér í þynnkumat stykki sem leit út eins og kúkur. “Ég bara VERÐ að smakka þetta.” Ógirnilegri mat hef ég ekki augum litið.

Færsla #19

2005-10-19T18:48:00.000+02:00

Sigga:

Gaman í Hellerup. Myndir úr haustfríinu má finna á www.fotki.com/siggasig - mæli einkum með TDC-myndunum. (TDC-Tour de Chambers (stafs. án ábyrgðar): Tekinn er rúntur um öll herbergin sem bjóða öll upp á mismunandi þema. Ferlega skemmtilegt.)

Færsla #18

2005-10-15T13:57:00.000+02:00

Til hamingju með afmælið, elsku Ragga!

I dag er det Raggas fødselsdag!
Hurra! Hurra! Hurra!
Hun sikkert sig en gave får
som hun har ønsket sig i år
og dejlig chokolade med kage til.

Færsla #17

2005-10-12T22:59:00.000+02:00

Sigga:

Vááááááááá! Kíktum í bæinn um síðustu helgi og sáum Johnny Depp á djamminu í Köben! Ég var fljót upp með nýju myndavélina... Fjandinn! Einhver labbaði fyrir myndavélina.

Færsla #16

2005-10-08T20:08:00.000+02:00

Ragga:

Helgin var með besta móti. Á fimmtudaginn (hér byrjar helgin á fimmtudögum því þá er partý á Kampsaxbarnum) var køkkenmøde í mínu eldhúsi. Ég og Steinunn mættum galvaskar, staðráðnar í að halda kúlinu og vera einkar settlegar.

En ekki hvað?

Á fundinum voru hin ýmsu mál rædd. Ákveðið var að kaupa nýjan örbylgjuofn, sjónvarp og kökukefli. Nokkrum tillögum var hafnað, t.d. settum við hnefann í borðið við þeirri hugmynd að fá strippara fyrir afgangspeninga úr bjórsjóðnum. Einnig afþökkuðum við boð um aukavinnu (já, sem stripparar).

Orð fundarins voru klárlega: SKÅL og ER DU FRA JYLLAND? (Maður verður að öskra þetta síðarnefnda fullur fyrirlitningar.) Fyndið. Eftir hressilegan drykkjuleik var hópsöngur næst á dagskrá og því næst var haldið á barinn. Tequila partý á barnum var ekki alveg að gera sig. Skynsöm eins og ég er ákvað ég að fá mér frekar besta staup í heimi, ice slush. Var frekar fegin daginn eftir þar sem það er víst næsta áfengislaust.

Á föstudagskvöld héldum við Steinunn matarboð. Þangað komu Aga frá Póllandi, Alexandra frá Júgóslavíu, Bjöggi frá Íslandi og Sigga af Kleppi. Maturinn heppnaðist prýðilega en á boðstólnum voru tvenns lags kjúklingaréttir. Bjöggi tók Jessicu Simpson á þetta: "Mmm, this is very good. What kind of fish is this?"

Hér eru Aga, Alexandra, Steinunn og Bjöggi.

Eftir matinn hélt stuðið áfram inni hjá Steinunni. Alltaf bættust fleiri í hópinn og var sérdeilis skemmtilegt þegar Helga frænka og Tommi komu. Lítill heimur! Trítluðum svo á Oktoberfest seint og síðar meir og tjúttuðum fram á rauða nótt.

Þetta eru Elín, Erna og Steinunn.

Sigga hitti tyrkneskan dansfélaga sem kann ekki að dansa í hring. Mjög fyndið þegar Sigga sagði: "In Iceland we dance in a circle." Tyrkinn miskildi það auðvitað og tók næstu mínútur í nýjan dans þar sem hann veifaði bjórglasinu sínu í kringum hausinn á sér.. svona circles. Hann kom svo öllum á óvart eftir festina þar sem hann birtist með gítar og var Sigríður svo heppin að fá einkatónleika á leiðinni heim þar sem kauði söng hástöfum Bítlalög.

Hér er Folga með gítarinn.

Þessir tveir eru á ganginum mínum.

Sá til vinstri heitir Morten og tókst honum að axlarbrotna í svefni. Það var mjög vont þegar læknarnir kipptu honum í liðinn en yfirleitt hlær hann að sársauka. Af honum hef ég lært þá lexíu að segja ekki kaldhæðinn brandara hérna í útlandinu. Hann misskildi og heldur nú að ég ætli að brjóta hina öxlina hans.
Sá til hægri heitir Martin og býr við hliðina á Steinunni. Hann er þokkalega metró gæi. Ef ryksugan er ekki inni í eldhúsi er næsta víst að hann sé að dúlla sér með hana. Hreinlæti og myndarskapur eru hans einkunnarorð enda er kjeppinn fyrirmyndarkokkur og með þrifáráttu á háu stigi. Hann var einn af fáum sem tók eftir því að ég var búin að lita á mér hárið. Stelpur, hann er á lausu!

Færsla #15

2005-10-06T13:48:00.000+02:00

Sigga:

Á meðan Nanna krúttlaðist með Kris sínum og Reva djammaði með íslensku píunum um síðustu helgi kíkti ég til Noregs með Ölmu sys og fleiri íslenskum gellum til Noregs á Café Norden. Café Norden er samkoma ungs fólks á Norðurlöndunum þar sem fram fara líflegar umræður og var þemað í ár Nordisk historia och nordens framtid (*geisp*). Hrikalega spennó. Ekki síður spennandi var djammið sem tók við þegar sagnfræðilegum samræðum sleppti. Samkoman var haldin í Tönsberg sem að sögn syngjandi sagnfræðings með regnhlíf var eitt sinn höfuðstaður Noregs. Þar er næturlífið ansi hreint ágætt og ber þar helst að nefna karíókíbar sem sló í gegn hjá hópnum og sýndu Helga og Rásta stjörnutakta uppi á sviðinu. Freyja sýndi líka góða takta en á öðru sviði þó... Við Alma vorum penar og stilltar að vanda. Þótt djammið hafi endað á karíókíbar byrjaði það með kojufylleríi í orðsins fyllstu merkingu. Mér leið eins og í verbúð.

Það sem stendur upp úr eftir Noregsferðina er fólkið sem ég kynntist þar. Danirnir voru auðvitað langhressastir - einkum Mette sem er mjög tæplega mellufær í íslensku. Eitthvað kann hún þó því að reglulega gall við í stelpunni:

"Du er en tybisk pjása! "

Auðvitað blöskraði okkur Ölmu talsmátinn í þeirri dönsku enda eru konurnar í okkar ætt ekki þekktar fyrir slíka orðanotkun en ekki skemmdi það þó fyrir ánægjulegum kynnum.

Þá hitti ég samíska stúlku sem hafði haft spurnir af nafni mínu og sagði mér við fyrstu kynni að ef hún eignaðist einhvern tímann stúlku skyldi hún hljóta nafnið Sigga. Pæling! Hefði verið kurteisi af mér að svara í sömu mynt og segja að ef ég myndi e-n tímann eignast stelpu fengi hún sama nafn og hún?

Já, sérdeilis skemmtileg helgi... en alltaf er gott að koma heim aftur eftir velheppnað ferðalag í hið daglega amstur. Hér að neðan sést Ragga þvo þvottinn minn.

Átti ég ekki eftir að segja ykkur að ég bý við hliðina á íslensku celebi? Muniði eftir þessum? Algjört yndi b.t.w.

Annars er ástandið á okkur stelpum hræðilegt. Svo erfitt að halda tönnunum hreinum og fínum hérna. Ætli það sé harkan í vatninu? Mútta sagði mér að það þyrfti að nota margfalt meira þvottaefni hérna í DK en heima því að harkan í vatninu er svo mikil. Skyldi það sama gilda um tannkrem? Þetta lítur ekki vel út...

en við erum samt hressar!

Færsla #14

2005-10-05T12:09:00.000+02:00

Ragga:

Er búin að vera í klemmu undanfarið að reyna að beila á körfunni. Vorum í Mennesket og det fysiske áðan og ég var að vesenast við að semja bréf til Erik þjálfara. Sigríður, alltaf boðin og búin til þess að hjálpa vinkonu sinni, setti saman skotheldan texta fyrir mig:

Dear Erik!

I´m sorry to inform you that I won´t be able to participate in the basketball trainings for the next months. I went out this weekend and got really really drunk (I love alcohol). While dancing at the club Vega I fell on some really cute Pakistani and twisted my ankle and now it has doubled in size. The upper side of all of this is that now Ahmed (the Pakistani) and I are in love and we are trying to have a baby. So you see I have no spare time for the b-ball team. Anyway.. I hope you understand my situation.
Send my best wishes to all the girls and tell them that I´d like to come to the julefrokost to get some good pregnancy tips.
Have to go now – I´m ovulating.

M.v.h.
Ragga.

Nokkuð gott bara?

Færsla #13

2005-10-03T18:44:00.000+02:00

Ragga:

Mamma kom í heimsókn til mín á miðvikudaginn. Hún gaf mér rosa fína afmælisgjöf og bauð mér út að borða á Reef n´ Beef, ástralska staðinn. Okkur var plantað inn í mitt þorrablót hjá löggum, bara kallar og ein kona sem var orðin frekar hífuð þegar á leið (byrjuð að hífa upp bolinn og sýna löggunum eitthvað ofarlega á maganum sínum). Við vorum ekki alveg að fíla lætin og létum færa okkur. Eftir matinn og eina hvítvín vorum við aðeins hressari. Mamma: "eigum við kannski að láta færa okkur aftur til lögganna?"

Eftir ljúft líf með mömmu mætti Lilja Þórunn á staðinn og hristi heldur betur upp í hlutunum. Hún bauð mér á listasýningu í Sívala turninum en systir hennar var að sýna verk þar. Mjög flott! Hér er Lilja skutla á toppi Sívala turnsins:

Við skelltum okkur svo á pöbbarölt með fjórum íslenskum píum á laugardagskvöldið. Það var heljarinnar fjör og endaði ég á að gista hjá mæðgunum. Takk fyrir það!

Þetta er Ylfa síhressa.

Þetta eru Ylfa, Elín og Lilja.

Á myndirnar vantar Steinunni og Júlíu. Steinunn býr ská á móti mér og er hármódel. Júlíu þekki ég minna en hún gæti líka verið módel. Þær komust ekki á mynd þar sem Steinunn var ýmist ullandi eða ég var með á mynd. Lilja, takk fyrir að láta mig vita af bólunni!

Það sem er annars helst fram undan (fyrir utan að hysja upp um sig buxurnar í náminu) er fyrsti tíminn í blakinu á miðvikudaginn, køkkenmøde á fimmtudaginn og félagsvist með miðaldra Íslendingum von bráðar.

Sigríði hef ég lítið séð undanfarið enda var hún í Noregi og Svíþjóð um helgina ásamt Ölmu systu. Von er á ferðasögu fljótlega. Nönnu og Kris hitti ég á laugardaginn og voru þau einstaklega hress. Er ekki kominn tími á pistil frá Nönnsunni?

Færsla #12

2005-09-26T12:28:00.000+02:00

Ragga:

Það er sannarlega líf og fjör hér í útlandinu. Óli Freyr var hjá okkur um helgina og gaf okkur drauma. Mjög vinsælt. Við skoðuðum fullt fullt af kirkjum og höllum og tókum netta Japani á þetta hvað myndatöku varðar.

Í Danmörku er klárlega eitt hæsta hlutfall krúttlegra gamalla kvenna (Sigríði til mikillar ánægju). Þessi áhyggjulausa dúlla var að krúttlast í einum garði og vakti (óskipta) athygli okkar.

Kampsax partý á laugardaginn var hressandi og enduðum við Sigríður á stjörnuskoðun upp á fjalli. Náttúrlega var fjallið bara hóll, allavega blésum við Sigíður ekki úr nös þegar á toppinn var komið enda hraustar píur í toppformi.

Á sunnudaginn fórum við (Nanna, Kris, Sigga, Óli og Þói) á lokakvöld tívolísins. Kashmir voru að spila en misstum við SS af því sökum þreytu. Það var samt ótrúlega gaman. Strákarnir fóru í turninn og skríktum við stelpurnar af kátínu á jörðu niðri.

Í gær hittum við loksins Þóru og Hrabba en þau eru búin að vera góðu yfirlæti hjá hinni síhressu Jóhönnu Árósapíu. Fengum okkur unaðslega pizzu og allir voru hressir og kátir:

Nú er það bara lærdómur á lærdóm ofan þangað til annað kvöld en þá kemur frú Lára í heimsókn. Lilja Þórunn, ætluðum við ekki að skottast eitthvað saman um helgina? Sendu mér Emil, búin að gleyma þínum!

Hérna kemur fimmlistinn minn en Alma klukkaði mig. Alma er ein uppáhaldsvinkona mín þessa dagana og skyldi engan undra. Hún gaf mér Freyjurís og þurfti ég ekki annað en að lygna aftur augum á meðan súkkulaðið bráðnaði í munni mér og fannst mér ég vera komin aftur á heimahaga. Meira svona, Alma!

1. Ég hata bein. Fæ massíva klígju af því að hugsa um að snerta bein.

2. Ég hef litla sjálfstjórn og fer stundum í rosaleg hlátursköst. Það getur verið mjög hvimleitt og vandræðalegt.

3. Mér finnst gaman að pússla.

4. Mér finnst fyndið að vera með annarra manna gleraugu á djamminu. Því sterkari, því betra.

5. Mér finnst ljótt að vera með mottu. (Þetta er hint til Sigga þar sem hann er með ranghugmyndir og dellu fyrir Oktoberfest.)

Ég klukka Jesper, Teresu, Ane og Kristian. (Jeg klukker jer alle: Jesper, Teresa, Ane og Kristian!)

Færsla #11

2005-09-22T22:47:00.000+02:00

Sigga:

Klukk!

Sjitt hvað klukkæðið er að tröllríða bloggsenunni. Alma systa klukkaði mig í nýjustu íslensku færslu sinni og því ekki annað að gera en að finna 5 fremur spes atriði um mig sjálfa.

1. Mér finnst skemmtilegt að dansa og djamma með eldri konum úr hverfinu mínu.

2. Ég laða að mér danskar gamlar konur og eeeeelska rauðhærða stráka í föðurlandi!

3. Ég horfi á fólk sofa þegar ég er þunn.

Þessa tók ég morguninn e. Sensommerfest - meiri þynnkan mar!

4. Ég hata tær - nema Nönnu tær en hún er auðvitað bara með tvö pör fingrum!

5. Ég hef ekki fengið að ríða í meira en mánuð! Sjiiiiitt mar! Erfiður andskoti!

Ég klukka Lilju Hrönn, Völlu og Kreuzer!

Færsla #10

2005-09-20T20:24:00.000+02:00

Ragga:

Ég og Sigga hjóluðum á bensínstöðina til að láta pumpa í hjólin. Það var frekar flókin pumpa, með stillingum þar sem maður átti að velja þrýstinginn, eitthvað sem við lufsur vorum ekki alveg að skilja.

Kom askvaðandi einn gamall gaur, baðandi út höndum og talaði á fullu. Hann var í klossum og hélt sko að hann ætti pleisið. Ég varð stressuð og fór í hláturskast. Hann fór að fikta í stillingunum á meðan hann blaðraði. Svo lét hann mig halda á pumpunni á meðan hann dældi:

"Nejnej, du holder den forkert!"

Alveg upp á honum typpið maður.
Allavega, skarfurinn dældi allt of mikið í dekkið mitt þannig að það sprakk á því í fyrrinótt.
Næst þegar ég sé hann ætla ég að gefa honum selbita í ennið og hrópa: "DUMBE MAND"

Það var það. Annars fór ég í póker með strákunum á ganginum í gær. Elska póker! Við pjásur erum meira að segja að spá í að fara að æfa. Nefnilega boðið upp á það í skólanum einu sinni í viku.

Annars var ég að skoða deltagerlistann í Mennesket og de fysiske omgivelser. Ekkert smá skrýtið lið sem er með okkur í tíma. Ein rosa Mansongella, alltaf í síðum leðurfrakka sveiflandi einhverjum keðjum og hvæsandi að kennaranum. Maður er bara hræddur:

Færsla #9

2005-09-18T00:39:00.000+02:00

Reg&Sig:

Sitjum í huggulega hreiðrinu hennar Siggu og höfum spjallað saman um lífið og tilveruna í allt kvöld. Svo skrítið að hugsa til þess hvað við erum orðnar fullorðnar. Gleymum því aldrei þegar við vinkonurnar djömmuðum saman í fyrsta skiptið. Það var í 4. bekk í MR *söknuður* og við vorum áhyggjulausar ungar stelpur sem áttum framtíðina fyrir okkur. Þetta var í sumarbústaðarferðinni eftir vorprófin og margir ungir einstaklingar í bekknum að uppgötva hinar ýmsu hliðar lífsins. Pési drakk bjór í fyrsta skipti og Hallgrímur missti sveindóminn með Þórkötlu sem hafði víst einhverja reynslu á þessu sviði. Við vinkonurnar smullum alveg saman og fundum strax að þessi vinátta átti eftir að endast út ævina. Nú erum við saman í Danmörkunni og hefur þessi dvöl sannarlega styrkt vinaböndin, erum hreinlega eins og blóm í eggi.

Annars erum við tussuþunnar eftir gærkvöldið! Sjitt, helvítis djamm á manni. Skriðum inn á herbergi einhvern tímann í morgun og vorum að vakna. Í gær var sumsé DTU-djamm með rokktónleikum. Eða það minnir okkur a.m.k. *blikk* Við lufsurnar skiptum einni hvítvínsflösku, eins og venjulega. Gúddsjitt! Miðað við höfuðverkinn í dag höfum við víst innbyrt eitthvað aðeins meira en hálfa hvítvínsflösku á mann. Ég meina... svona er djammið bara!

Kvöldið var engu að síður gott. Kynntumst fólki sem aldrei fyrr. Fyrsta ber að nefna Mette sem var að fá sér að míga á sama tíma og við. Þokkalega hot gella með perm:

Ragga hataði ekki ruglið og bauð einum strák gistingu á meðan besti vinur hans var að fá sér að ríða. Það kom sem betur fer ekki til þess, líklega hefur hann ekki náð honum upp eða eitthvað.

Annars erum við bara búnar að vera að taka myndir af nágrenninu. Þetta er gatan okkar:

Þetta er herbergið hennar Röggu:

Hún er búin að hengja ógeðslega sæta mynd af Siggu upp á vegg. Sigga er aftur á móti svo mikill töffari, finnst of væmið að vera með mynd af Röggu upp á vegg. Þetta er herbergið hennar:

Færsla #8

2005-09-14T22:32:00.000+02:00

Ragga:

Missti því miður af mat með Sigga Siggupabba áðan. Ákvað heldur að rifja upp gamla takta sem b-ball lady og skella mér á æfingu í Sporthallen.

Áður en ég skundaði af stað klippti ég toppinn minn. Vildi hafa hann svona á ská eins og er móðins núna. Svo eftir æfingu þegar ég kíkti í spegilinn brá mér heldur betur í brún. Það var eins og ég væri með hjálm. Eða að sveppur hefði stolið hausnum mínum. Æi, erfitt að lýsa þessu en þetta var sláandi.

Allavega.

Á æfingu voru mættar sjö hressar píur og Erik þjálfari. (Hann minnir óþægilega mikið á Dan. Talar alveg eins ensku og með eins bros.)

Það var rosa skemmtileg æfing, bara að spila og skjóta. Sweet. Er auðvitað í engu formi og tók nettan astmasjúkling á þetta og var næstum búin að fá krampa í bæði (já, það hefur komið fyrir áður) lærin. Helvíti töff. Náði samt að halda kúlinu þar sem þær voru ekkert allar mjög kvikk á því.

Nýju vinkonur mínar (ég er sorgleg) hvöttu mig endilega til að halda áfram og sögðu að ég myndi fá að spila mikið. Ekki af því ég væri svo góð, heldur af því að þær eiga allar krakka og eiga erfitt með að redda pössun um helgar (leikirnir eru yfirleitt á sunnudögum, mjög böggandi). Ég er sem sagt langyngst ásamt Anu þannig að maður kemur inn sem ferskt kjöt. En ekki hvað?

Annars er maður bara allur í sportinu. Við Sigga skelltum okkur í ping pong niðrí kjallara um daginn. Sigga kom með tvo spaða hérna út, öðrum er hún voðalega stolt af og vill helst ekki lána, en hinn er skítlélegur. Ég tapaði alltaf enda var ég iðulega með þann lélega og svo hefur stelpan líka æft borðtennis. Borðtennis, for crying out loud! Er samt öll að koma til í bakhöndinni og mun líklega snúa aftur til Íslands sem Forrest Gump borðtennisins. Eða Wang Nan (það er sko heimsmeistarinn í ping pong fyrir ykkur sem fylgist illa með).

Það sem er svo næst á döfinni er keramikklúbburinn (“upp á félagsskapinn” sagði Sigga). Ég man ekki alveg hvenær fyrsti hittingur er en það verður ábyggilega ógeðslega gaman. Hverjir eru game?

Færsla #7

2005-09-08T22:36:00.000+02:00

Sigga:

Nú erum við Ragga búnar að vera í viku í herbergjunum okkar hér á Kampsax. Ragga býr í eldhúsi 04 en ég í eldhúsi 21. Kerfið hérna á kollegíinu er þannig að hver gangur hefur afnot af sama eldhúsinu og því má segja að hvert eldhús sé eins og stór fjölskylda. (Reyndar líður Röggu eins og einbirni...)
Í kvöld var fjölskyldufundur hjá mér, sumsé køkkenmøde. Þar voru ýmis mál tekin fyrir og endaði með einsöng Bei Bei úr herbergi 2101 (án gríns). Eftir fundinn stilltum við okkur svo upp í hópmyndatöku. Ég er í nýju vesti úr H&M e-s staðar þarna í miðjunni.

Lífið hérna í Kampsax er mjög ljúft. Aðallega Danir sem búa hérna en svo líka nokkrir Kínverjar. Ragga er búin að taka þá nokkra Kínverjana á löpp enda með bestu pikköpplínu ársins: "Hey! I have a new sweater. It's made in China - just like you!"

Annars verður þetta nú ekki eintóm afslöppun og gleði hérna hjá okkur stallsystrum. Við erum allar þrjár í frekar erfiðum kúrsum. Þar á meðal er Styrkelære 3 (metinn sem hönnun burðareininga) sem við véla-og iðnaðarstelpur tökum. Kennarinn þar er ljúfur sem lamb og duglegur að hjálpa okkur. Hins vegar er um mjög mjög fræðilegan kúrs að ræða og kennslubókin sannkallað torf, ekkert nema jöfnur og lítið um frekari útskýringar. Í einhverju stresskasti í dæmatíma í dag fengum við Ragga hláturskast með kennarann yfir okkur. Það var hræðilegt! Við höfðum reyndar áður gert grín að því að andardráttur hans lyktar eins og hangikjöt og það var líklega kveikjan að öllum hlátrinum. Svo spurði grey kennarinn af hverju við værum að hlæja og ég svaraði ósköp eðlilega að okkur þætti það bara svo drepfyndið og fráleitt hvað við hefðum verið lengi að reikna út einhverja energy density!

Þrátt fyrir gott skipulag í kúrsunum hérna úti verður að segjast að fyrirlestarnir heima eru MIKLU betri. Þetta er sko fáránlegt... kennararnir tala svo óskýrt og láta út úr sér hin og þessi orð sem maður botnar ekkert í. Já, íslensku kennararnir eru töluvert skýrmæltari. Það mega þeir eiga.

Jæja, þá er það barinn! Enginn skóli hjá mér á morgun - ekki sömu sögu að segja um Ragnhildi sem var rétt í þessu að hrópa til djammandi Dana á ganginum:

"Ti stille! Jeg har kemi i morgen!"

Færsla #6

2005-09-07T16:47:00.000+02:00

Nanna:
Mikið var nú gaman um helgina sem leið! Pjásan ákvað að vera ekkert að tvínóna við hlutina heldur skellti sér í svifflug. Mæli ég hér með með því öllum þeim sem þykir gaman að fljúga flugvél í mikilli ókyrrð. Ég býst við að skemmtilegasti parturinn hafi verið flugtak; gífurleg hröðun og halli sem jafnast á við besta geimskot. Eftir frábæran morgun í háloftunum var haldið heim til Jakobs og ég neydd á gamalt crosser mótorhjól. Það var ekki minna gaman! Sökum aldurs hjólsins var þó nokkuð erfitt að koma því í gír en annars gekk keyrlsan eins og í sögu og mátti sjá pæjuna bruna um mölina hring eftir hring með reykskýið á eftir sér. Áhorfendum þótti víst ægilega fyndið að lappirnar dingluðu meðfram hliðum hjólsins og að framhjólið reikaði (vinstri og hægri til skiptis - endurtekið) en þess ber þó að geta að það var bara fyrst. Ég náði góðum tökum á endanum og er efni í bestu hljólatík. Meðfylgjandi mynd náði Kris að smella af og sýnir hún glögglega stemninguna sem ríkti þennan dag.

Dagurinn endaði svo á skotæfingu með pumpunni hans Jakobs (krúttleg byssa) og þótti ég hafi staðið mig með afbrigðum illa. Ástæða þess er enn óljós en ég kenni Jakob um. Ástæða þess er óljós. Lífið í stórborginni er annars ákaflega ljúft. Ég læri eitthvað nýtt á hverjum degi! Danskan er því miður fremur slöpp en ég og Kris tölum sífellt meira saman á dönsku og get ég nú státað mig af gífurlegum orðaforða fúk- og skammaryrða. Nú er bara að vara sig þegar pjásan tekur upp á því að blóta á dönsku!

Færsla #5

2005-08-31T20:33:00.000+02:00

Ragga:
Annasamur dagur að baki. Hittumst allar þrjár yfir hádegisverði í Lyngby center og komumst að þeirri niðurstöðu að það væri enginn maður með mönnum hér í landi nema hann væri með sílíkon. Við ákváðum að vera ekkert að tvínóna við hlutina og hoppuðum bara beint út í djúpu laugina. Sigga og Nanna ákváðu að lappa aðeins upp á smettið og fengu sér fyllingu í varir. Þær voru ægilega heppnar og fengu þetta á einhverjum spes díl, svakalega ódýrt. Greyin eru stokkbólgin og bera sig frekar illa. Þær eru þó nokkuð ánægðar með afraksturinn þó að það sé kannski lítið að marka núna út af bólgunni.

Ég átti hins vegar erfitt með að gera upp við mig hvort ég ætti að laga rass eða brullur. Hvernig líst ykkur á?

Færsla #4

2005-08-30T23:13:00.000+02:00

Sigga:

Það hefur gengið vel að rifja upp dönskuna síðustu daga. Nanna auðvitað orðinn meistari danska koddatalsins og við Ragnhildur duglegar að fitja upp á skemmtilegum samræðum á barnum, í búðinni og síðast en ekki síst í umræðutímum í skólanum. Við mættum galvaskar í umræðutíma í Operatios Analyse í gær og gekk vel að ræða hinar ýmsu hliðar línulegrar bestunar við Danina.
Annars hefur verið rosagott veður undanfarna daga og strákurinn hér að ofan, Jesper, var bara ber að ofan í Regulerings Teknik - tíma í morgun. Tímarnir eru ósköp notalegir. Við erum einu stelpurnar þannig að það er komið fram við okkur eins og drottningar.

Við erum búnar að skrá okkur í blakliðið og hér má sjá mynd af liðinu síðan í fyrra. Liðið síðan í fyrra heldur sér að mestu.

Stelpurnar eru mjög öflugar og þykja með þeim betri meðal dönsku háskólanna. Bikarinn fór að vísu í fyrra til Århus en við vonum að í ár verði breyting.

Annars er lífið hérna úti fremur dýrt. Auðvitað í fyrsta skiptið sem við snótur stöndum á eigin fótum og því mikið um ófyrirsjáanlegan kostnað. Því erum við að spá í að fá okkur vinnu til þess að endar nái saman. Það liggur auðvitað beinast við að fara í módelstörfin og planið er að reyna að komast á samning hjá Jysk (Rúmfatalagernum).

Færsla #3

2005-08-30T11:49:00.000+02:00

Nanna:

Ég átti fávitadag í dag. Úff! Fór í fyrsta sinn í geoteknik, sem er svona jarðtæknikúrs og mér leist bara asssskoti vel á! Danskan var svosum ekkert að angra mig það mikið, það er þegar ég komst yfir sjokkið, reyndi bara að hafa eyrun opin og hlusta vel. Ég á það samt til að missa einbeitningu.. fer yfirleitt að hugsa um föt eða djamm.... eða Kris. Allavega. Fyrstu 2 klukkutímarnir eru fyrirlestur og síðan tekur við verkefnasession sem tekur annað sett af klukkutímum. Ég bara skildi ekki neitt. Ekkert. Jú fyrsta liðinn í fyrra dæminu og eftir það tók bara svartamyrkur við í mínum kolli. Mér varð óglatt ég sver það! Og það virkaði enginn annar í vandræðum, niiii hvurs vegna? "Snýst um að skilja skilgreiningarnar. Ef þú gerir það ekki...." Já mikið rétt, þetta sagði Gunnar Baggi kennari við mig. Hann talar annars eins og Ófeigur í spaugstofunni. Kannski var sá gaur bara Dani eftir allt saman..? Jæja.. Allavega, 2 gaukar í bekknum sáu aumur á mér og buðu mér að vera með sér í verkefnahóp (ég var ekki farin að skæla sko....) sem er súperfínt! En þeir eru algerir snillingar sem lætur mér líða eins og amöbu. Þetta var svolítið fyndið samt. Einn gaurinn var að útskýra eitthvað fyrir mér (því ég starði bara á blaðið og skrifaði formúlurnar aftur og aftur) og ég alveg "jááááá nú skil ég!" Stráksi brosti, ofsa sáttur... Og svo hélt ég áfram að stara á blaðið. Því ég skildi ekki hvað hann var að meina. Tók síðan smá brainstorm í lestinni á leið heim og ég held ég sé að fatta skilgreiningarnar sem útskýra aðferðirnar. Ekki svo erfitt. En svei ef ég lendi í þessu aftur! Annars er ég búin að vera ofsalega kvefuð undanfarið en nú held ég það sé loks að skána. Er hægt að snýta heila? Það myndi allavega útskýra ýmislegt. Lokaorð? Það er gaman að ferðast í lest! Steig samt í eitthvað gú á leiðinni í skólann um daginn. Það var ekkert spes...

Færsla #2

2005-08-29T19:45:00.000+02:00

Ragga:
Sigga lét djammara sumarsins á desktopið og við fórum í hláturskast þegar ég kveikti á tölvunni í miðjum tíma. Panikaði nett yfir því að fólki fyndist ég hallærisleg að hafa mynd af sveittri, miðaldra skutlu. Eða það sem verra væri, mömmu minni á djamminu.

Hittum Nönnu loksins í dag og voru það fagnaðarfundir. Hún toppar okkur báðar og er í heilum fjórum kúrsum á dönsku. Að auki á pían danskan kæró og hefur því töluvert forskot í dönskunni.

Ég og Sigga fórum í tvo nýja kúrsa í dag, iðnaðartölfræði (IT) og framleiðslugreiningu (FG). IT lofaði góðu framan af, eða alveg þangað til við fórum í verklegt. Þurfum að læra á nýtt forrit sem virðist við fyrstu sýn drepleiðinlegt. Við reynum samt auðvitað að vera léttar í lund.

FG er kenndur á dönsku og var það heljarinnar sjokk. Skildum voða lítið en vorum ekki alveg að meika að koma með: “Kan du venligst snakke lidt langsamer.” Sátum bara með sitthvort súkkulaðistykkið og gláptum á kallinn, svona eins og hann væri fílamaðurinn. Ekki mjög skemmtilegur fílamaður þó, því Sigga sofnaði stuttu seinna. Þetta reddast pottþétt því danskan verður ábyggilega fljót að koma og svo á þessi kúrs ekki að vera erfiður.

Við erum annars ofsalega þreyttar í dag og það má segja að það sé mikið búið að ganga á í hjónarúminu hans Óla (einkar kurteis og viðkunnalegur piltur sem leyfir mér og Siggu að nota rúmið sitt). Í fyrrinótt hrökk ég upp við að Sigga var að berja, og þá meina ég berja, í rúmið. Krúttið var þá steinsofandi að tuska til þjóf sem stal veskinu hennar. Ég held það sé helvítis álag á stelpunni.

Í gærkvöldi gekk okkur illa að sofna og sváfum frekar laust. Vorum alltaf að bylta okkur sem er ekki sniðugt því rúmið hefur einkenni vatnsrúms að því leyti að þegar ein snýr sér við þá hristist hin. Stemmning.

Færsla #1

2005-08-28T17:49:00.000+02:00

Við lellurnar eru komnar til Danmerkur til þess að vera næsta árið. Okkur heilsast ágætlega ef frá er skilið að Sigga er komin með bólu á augað. Hún á erfitt með að blikka og drepur það allar vonir um að hún nái að kynnast fleiru fólki á næstu dögum. Hins vegar erum við búnar að kynnast nokkrum. Í gær tókum við könnun um mataræði Dana og hittum hressa píu. Dásamleg afþreying og eilítið skemmtilegri en bíómyndin Fantastic Four sem Gilli Ammríkufari mælti svo með. Við fundum ægilega huggulegan og ódýran ítalskan veitingastað í gær sem við hyggjumst fara með alla okkar gesti á. Það má því með sanni segja að gærdagurinn hafi verið viðburðaríkur og uppfullur af spennandi ævintýrum.

Við heimsóttum mollið í Lyngby sem er afar flókið. Tilgangurinn var að kaupa díóður á hjólin því annars eigum við hættu á handtöku. Handtakan er enn yfirvofandi því engar díóður fundum við því við gleymdum okkur við eplaát og horfðum á búðina lokast þar sem við sátum á bekk eins og rónar.

Við erum duglegar að efla vínmenninguna hér. Í gær fórum við á barinn og pöntuðum hvítvínsflösku. Við fengum skrýtið augnaráð og endaði það á því að við þurftum sjálfar að opna flöskuna því að Danirnir eru greinilega vanari bjórnum.

Það má því segja að þessir fyrstu dagar í Danmörku séu góður endir á viðburðaríku sumri.

Konan hér að ofan hefur verið valin djammari sumarsins. Þótt hún búi í nágrenni Siggu hittum við hana á Grundarfirði þar sem hún lék á als oddi og átti í raun pleisið þegar hún tók olnbogadansinn. Vonandi hittum við hana aftur.